တောင်ကိုရီးယား ယောကျာ်းလေး အဆိုတော်အဖွဲ့တစ်ဖွဲ့ဖြစ်တဲ့ Super Junior အဖွဲ့ဝင် Donghae ဟာ မကြာသေးမီက ဒူးခေါင်းအရေးပေါ်ခွဲစိတ်မှုလုပ်ထားရတဲ့သူဖြစ်ပါတယ်။ အရေးပေါ်ခွဲစိတ်မှုကြောင့် ပရိသတ်တွေအနေနဲ့လည်း Donghae ရဲ့ ခွဲစိတ်မှုအခြေအနေနဲ့ပတ်သတ်ပြီး စိတ်ပူနေကြပါတယ်။ ပရိသတ်တွေက စိတ်ပူပင်နေကြတာကြောင့် Donghae က သူ့ရဲ့ အင်စတာဂရမ်စာမျက်နှာပေါ်မှာ ခွဲစိတ်မှုအဆင်ပြေတဲ့အကြောင်းကို ဓာတ်ပုံလေးနဲ့တကွ အခုလိုလေး ဝေမျှပေးလာပါတယ်။

ဆိုတဲ့ စာသားလေးနဲ့ အသဲ အီမိုဂျီလေးထည့်ပြီး ဖော်ပြပေးထားပါတယ်။

ဓာတ်ပုံထဲမှာဆိုရင် Donghae က လူနာဝတ်စုံနဲ့အိမ်ရာပေါ်မှာ လှဲလျောင်းနေတာဖြစ်ပါတယ်။ သူ့ရဲ့မျက်လုံးတွေက အားနည်းနေတဲ့ပုံစံဖြစ်နေပေမယ့် လက်ကတော့ အဆင်ပြေပါတယ်ဆိုတဲ့ အဓိပ္ပါယ် “V” သင်္ကေတလေး ပြုလုပ်ထားပါတယ်။

ဒူး ခွဲစိတ်ရတဲ့ ဖြစ်စဉ်နဲ့ပတ်သတ်ပြီးတော့လည်း ခွဲစိတ်ရလောက်တဲ့ထိ ဆိုးဝါးမယ်မှန်း မသိပေမယ့် ဆရာဝန်က ခွဲစိတ်ဖို့ လိုအပ်တယ်လို့ပြောတာကြောင့် ခွဲစိတ်ဖြစ်ခဲ့တာဖြစ်ကြောင်း Donghae ကအင်တာဗျူးတစ်ခုမှာ ပြောခဲ့ပါတယ်။ ကိုယ့်ကိုယ်ကို အကောင်းဆုံးဂရုစိုက်ပြီး အဖွဲ့ဝင်တွေအတွက်ရော ပရိသတ်တွေအတွက်ပါ တာဝန်ကျေတဲ့သူတစ်ယောက် ဖြစ်စေရမယ်လို့လည်း Donghae က ထပ်ဆောင်းပြောထားပါသေးတယ်။Donghae တစ်ယောက် အမြန်ဆုံး ပြန်လည်ကျန်းမာလာဖို့အတွက် ဆုတောင်းပေးလိုက်ပါတယ်နော်။