ဟာသ လူရွှင်တော် ပိုးလေးကတော့ လူထုလှုပ်ရှားမှုတွေမှာ ပြည်သူတွေနဲ့အတူ တက်ကြွစွာ ပူးပေါင်းပါဝင်ခဲ့ပြီး လက်ရှိအချိန်မှာတော့ တောထဲတွင် စစ်သင်တန်းတက်ရောက်နေတာ ဖြစ်ပါတယ်။ တောထဲမှာ အနေအထိုင် ဆင်းရဲပေမယ့်လည်း မညည်းမညူဘဲ အဆင်ပြေအောင် နေထိုင်ကြတဲ့ ရဲဘော်တွေအားလုံးက လေးစား ဂုဏ်ယူစရာ ကောင်းလှပါတယ်။

အမှန်တရားဘက်ကနေရပ်တည်ပေးခဲ့တဲ့ ပိုးလေးကတော့ လွတ်မြောက်နယ်မြေရောက်ရှိနေစဉ်အတွင်း သူ့ရဲ့ နေထိုင်လှုပ်ရှားမှုတွေကိုပြည်သူတွေကို မကြာခဏ ဝေမျှပေးနေတာလည်း ဖြစ်ပါတယ်။ မနေ့က ပြာသိုလပြည့်နေ့ "အမေများနေ့"မှာလည်း ပိုလေးက အမေနဲ့ တူတူမရှိနိုင်တဲ့ အကြောင်းလေးကို " အမေများနေ့မှာ တင်စရာအမေ့ပုံတောင် မရှိပါဘူးဗျာ။ အဝေးကနေပဲ ကန်တော့လိုက်ပါတယ် အမေ??? " ဆိုပြီး သူ့ခံစားချက်လေးကို ရေးသားထားတာပဲ ဖြစ်ပါတယ်။

ပြည်သူတွေအတွက် တောထဲတောင်ထဲမှာ ဒုက္ခတွေခါးစည်းခံနေရတဲ့ သူတွေလည်း ဘေးအန္တရာယ်ကင်းရှင်းကြပါစေလို့ ပရိသတ်တွေကလည်း အမြဲလိုလို ဆုတောင်းမေတ္တာပို့သပေးနေကြတာဖြစ်ပါတယ်။

Source : Ko Ko Poe Lay's FB Acc