ခိုင်နှင်းဝေကတော့ ပရဟိတမင်းသမီးတစ်လက်လို့ ပရိသတ်တွေ သတ်မှတ်ထားတဲ့အတိုင်း ခိုင်နှင်းဝေ ရင်သွေးလေးများ ဂေဟာကို ဦးစီးတည်ထောင်ပြီး မိဘမဲ့ကလေးတွေကို သူမရဲ့ရင်သွေးလေးတွေသဖွယ် ကူညီစောင့်ရှောက်နေတဲ့ ချီးကျူးလေးစားဖွယ်မင်းသမီးတစ်လက်ပါ။

ဘယ်လိုအကြောင်းကြောင့်ပဲဖြစ်ဖြစ် စွန့်ပစ်ခံရတဲ့ ကလေးတွေအတွက် အတတ်နိုင်ဆုံးကာကွယ် ခေါ်ယူစောင့်ရှောက်လျက်ရှိနေတဲ့သူလေးလည်းဖြစ်ပါတယ်။ ခိုင်နှင်းဝေကခေါ်ယူမွေးစားထားတဲ့ ကလေးတွေ များလာတာကြောင့် မနှစ်က (၂၉) ရက် ဒီဇင်ဘာလကပဲ တောင်ဒဂုံဂေဟာသစ်ကြီးဆီကို ရွေ့ပြောင်းလာကြတာပဲ ဖြစ်ပါတယ်။

ဒီကနေ့တော့ ခိုင်နှင်းဝေရင်သွေးလေးများဂေဟာမှာ ဘုရားအနေကဇာတင်ခြင်းနှင့်ဂေဟာအသစ်တက်ပွဲ အခမ်းအနား ကျင်းပပြုလုပ်ခဲ့တာဖြစ်ပါတယ်။ "ဂေဟာ အသစ် တက်ပွဲလေးမှာ ကြွရောက်ပေးပါသော "မရှိခဏ " ဆရာတော် ဘုရားကြီး ၊ဦးဇင်း ဘီလူး နှင့် အနုပညာရှင် ညီ အစ်ကို မောင်နှမများ၊ အလှူရှင်များ အပါအဝင် လုပ်အားပေး ကူညီပေးကြသော ညီအစ်ကို မောင်နှမများ ၊စောင့်ရှောက်ပေးပါသော သက်ဆိုင်ရာ လူကြီးများ နှင့် ကျေးဇူး တင်ထိုက်သူများ အားလုံးကို ကျေးဇူးအထူးတင်ရှိပါတယ်ရှင်..လိုအပ်ချက်များ၊ လစ်ဟာမှုများ ရှိခဲ့ပါကလဲ နားလည် ခွင့်လွှတ်ပေးကြပါရှင်..

SOUL Foundation နဲ့ ခုနှစ်ရက် သားသမီးများ အားလုံးရဲ့ စုပေါင်း ကုသိုလ်လေးများ ကြောင့် ရင်ခွင်မဲ့ ကလေးများ အားလုံး အတွက် လုံခြုံတဲ့ နေရာလေး တစ်ခုကို ဖန်တီးအကောင်းအထည်ဖော် နိုင်ခဲ့ပါပြီရှင်..??? " ဆိုပြီး သူမရဲ့ ဝမ်းသာပီတိဖြစ်နေတဲ့ အကြောင်းလေးကို ပြောပြလာတာ ဖြစ်ပါတယ်။ ပရိသတ်တွေအတွက် ခိုင်နှင်းဝေဂေဟာရဲ့ ဂေဟာအသစ်တက်ပွဲ အမှတ်တရပုံရိပ်တွေကို ပြန်လည်မျှဝေပေးလိုက်ပါတယ်။

Source : Khine Hnin Wai's Facebook Acc