တော်လှန်ရေးနဲ့ ပတ်သက်ပြီး သူ့အမြင်လေးကို ဖွင့်ဟပြောဆိုလာတဲ့ မူးလာ

ကိုယ်ပိုင်အရည်အချင်းတွေနဲ့ အနုပညာလောကထဲ ထိုးဖောက်ဝင်ရောက်လာခဲ့တဲ့ အဆိုတော်မူးလာကတော့ လက်ရှိမှာ လွတ်မြောက်နယ်မြေကို ရောက်ရှိနေတာ ဖြစ်ပါတယ်။

အရေးတော်ပုံကြီးစတင်ခဲ့တဲ့ ဖေဖော်ဝါရီလအစပိုင်းကတည်းက လမ်းပေါ်ထွက်လူထုလှုပ်ရှားမှုတွေမှာ တက်တက်ကြွကြွပါဝင်ခဲ့သလို အခုအချိန်မှာလည်း လက်နက်ကိုင်ရင်း ပြည်သူတွေအတွက် ကြိုးစားနေတာ ဖြစ်ပါတယ်။

မူးလာကတော့ လွတ်မြောက်နယ်မြေရောက်ရှိနေတဲ့ အချိန်မှာလည်း သီချင်းတွေရေးကာ သူ့ရဲ့အနုပညာအလုပ်တွေနဲ့ ပြည်သူတွေကို စိတ်ခွန်အားပေးတာတွေလည်း လုပ်ဆောင်နေတာ ဖြစ်ပါတယ်။

ကျရာတာဝန်ကနေ အစွမ်းကုန်ကြိုးပါဝင်နေတဲ့ မူးလာဟာ ဒီနေ့မှာလည်း တော်လှန်ရေးနဲ့ ပတ်သက်ပြီး သူ့အမြင်လေးကို ဖွင့်ဟပြောဆိုလာပါတယ်။ "တော်လှန်ရေးမှာ ဂျီးများလို့မရဘူး

တော်လှန်ရေးမှာ မတတ်ဘူးဆိုပြီးငြင်းမရဘူး

တော်လှန်ရေးမှာ မလုပ်နိုင်ဘူးလည်းမရှိဘူး

အေးအတူ ပူအမျှ

တလှေထဲစီးတဲ့ ရဲဘော်များပဲ

တော်လှန်ရေးအတွက် ငြင်းဆန်နေရင်

မင်းလုပ်နေတာ တော်လှန်ရေးမဟုတ်သေးဘူး" ဆိုပြီး သူ့လူမှုကွန်ယက်ထက်မှာ ရေးသားထားတာပဲ ဖြစ်ပါတယ်။

ပရိသတ်တွေကလည်း ကိုယ်ကျိုးစွန့်ကာ အားလုံးအတွက် အနစ်နာခံကြိုးစားတိုက်ပွဲဝင်ပေးနေကြတဲ့ အနုပညာရှင်တွေနဲ့ တော်လှန်ရေးရဲဘော်တွေအားလုံးအတွက် ဘေးကင်းကြစေဖို့ ဆုတောင်းအားပေးနေကြတာ ဖြစ်ပါတယ်။

Source : Saw Chris Mooler-မူးလာ's Facebook Acc