ဆရာဝန်မလေး နန်းမြတ်ဖြိုးသင်းကတော့ အဆိုတော် ဘဝနဲ့ စတင်ကာ အနုပညာလမ်းကြောင်းကို စတင်လျှောက် လှမ်းခဲ့ပြီးနောက် သရုပ်ဆောင် တစ်ယောက်အနေနဲ့ ပရိသတ်တွေရဲ့ အားပေးချစ်ခင်မှုတွေကို ရရှိပိုင်ဆိုင်ခဲ့သူပဲဖြစ်ပါတယ်။
အိမ်ထောင်ကျကံကောင်းသူ နန်းမြတ်ကတော့ သားတစ်ယောက် ၊ သမီးတစ်ယောက်နဲ့ ပျော်ရွှင်ဖွယ် မိသားစုဘဝလေးကို ပိုင်ဆိုင်ခဲ့ရပေမယ့် ခင်ပွန်းဖြစ်သူကို ကိုဗစ်ရောဂါပိုးကြောင့် ဆုံးရှုံးခဲ့ရသူပါ။
နန်းမြတ်ဟာ ခုဆိုရင် သားနဲ့သမီးကို တစ်ယောက်တည်း ရင်အုပ်မကွာစောင့်ရှောက်နေရသလို မိသားစုရဲ့ အိမ်ထောင်ဦးစီးအဖြစ်လည်း စီးပွားရှာရုန်းကန်နေရသူလဲ ဖြစ်ပါတယ်။ နန်းမြတ်က ဂျူးနဲ့ ဂျက်လေးရဲ့ လှုပ်ရှားမှုပုံလေးတွေကို အမြဲမျှဝေပေးလေ့ရှိပါတယ်။
ဒီတစ်ခေါက်မှာတော့ (၁၁) လအရွယ် သမီးလေးကို အသေးစိတ်ဂရုမစိုက်နိုင်တဲ့အကြောင်းကို" ဂျူးလေး၁၁လပါ
လမ်းလျှောက်စမ်းနေပီ
ဂျက်လေးတုန်းကတော့ဖေဖေတဖက်မေမေတဖက်တွဲပီးသင်ခဲ့တာ
မေ့သမီးလေးကတော့မေမေလဲရုန်းကန်နေရလို့အသေးစိတ်လေးတွေမလုပ်ပေးနိုင်ဘူး
မေ့သမီးလေးပိုမိုသန်မာပါစေကွယ်" ဆိုပြီး သမီးလေးရဲ့အဖြစ်ကို ပြောလာခဲ့တာပဲဖြစ်ပါတယ်။
နန်းမြတ်းကတော့ သားကြီးဂျက်ရဲ့ လသားအရွယ် လမ်းစမ်းလျှောက်ချိန်မှာတော့ အဖေရော၊ အမေရော အသေးစိတ်ဂရုစိုက်ပေးနိုင်ခဲ့ပေမယ့် သမီးငယ်ဂျူဂျူးလေးအလှည့်မှာတော့ တစ်ယောက်တည်းရုန်းကန်နေရလို့ အသေးစိတ်ဂရုမစိုက်ပေးနိုင်ခဲ့လို့ စိတ်မကောင်းဖြစ်နေတာပဲ ဖြစ်ပါတယ်။
Source : Nann Myat Phyo Thinn's Facebook Acc
