ကြည်လင်စူးရှလှပတဲ့ မျက်ဝန်းတစ်စုံ ၊ ပီပြင်ပိုင်နိုင်တဲ့ သဘာဝသရုပ်ဆောင်ချက်တွေနဲ့ နာမည်ကျော်ကြား လူချစ်ခင်လူခင်များတဲ့ မင်းသားရဲတိုက်ကို ယနေ့ ဒီဇင်ဘာ(၃၀)ရက်နေ့မှာ အင်းစိန်ထောင်တွင်း တရားရုံးမှာ အမိန့်ချမှတ်တော့မှာဖြစ်ပါတယ်။
မင်းသား ရဲတိုက် ဟာ ဖေဖော်ဝါရီ (၁)ရက်နေ့မှာ စတင်ဖြစ်ပွားခဲ့တဲ့ နိုင်ငံတော်အာဏာထိန်းချုပ်မှုအား မကျေနပ်သည့်အတွက် ပြည်သူနဲ့တသားတည်း နိုင်ငံရေးတော်လှန်မှုများ လှုပ်ရှားခဲ့တဲ့အတွက် လက်ရှိမှာ နိုင်ငံတော်အကြည်ညိုပျက်စေမှု ပုဒ်မ ၅၀၅(က)ဖြင့် ဖမ်းဆီးထိန်းသိမ်းခံထားရတာဖြစ်ပါတယ်။
ယနေ့ အမိန့်ချမှတ်တော့မှာဖြစ်လို့ ပရိတ်သတ်ကြီး အနေနဲ့လည်း မင်းသားရဲတိုက် ကျန်းမာဘေးကင်းစွာနဲ့ အမြန်ဆုံးပြန်လည်လွတ်မြောက်လာဖို့ဆုတောင်းနေကြတာဖြစ်ပါတယ်။ သိပ်မကြာခင်ကလည်း မင်းသားပိုင်တံခွန်ကို အလုပ်ကြမ်းနှင့်ထောင်ဒဏ် (၃) နှစ် ချမှတ်ခဲ့တာကြောင့် ပရိတ်သတ်တွေအနေနဲ့လည်း အင်မတန်စိုးရိမ်နေကြတာဖြစ်ပါတယ်။ ကိုရဲတိုက်တစ်ယောက် ပရိတ်သတ်ရှေ့ကိုအမြန်ဆုံးပြန်လာနိုင်ပါစေလို့ဆုတောင်းလိုက်ပါတယ်။
Bong I.T