မြန်မာ့ဇာတ်သဘင်လောကရဲ့ နာမည်ကြီး အထင်ကရ ဂီတသဘင်ဖြစ်တဲ့ ရွှေမန်းသဘင်ရဲ့ မျိုးဆက် မင်းသားတင်မောင်ဆန်းမင်းဝင်းရဲ့ ညီမ မေတင်မောင်ဆန်းဝင်းဟာဆိုရင်အာရုံကြောထိခိုက်မှုကြောင့်ဆေးရုံတက်ရောက် ကုသမှုခံယူနေရတာဖြစ်ပါတယ်။ အခုအချိန်မှာတော့သူမရဲ့ရောဂါအခြေအနေဟာတော်တော်လေး သက်သာလာပြီ ဖြစ်ပေမယ့်လူကောင်းအတိုင်းဖြစ်ဖို့တော့ လိုအပ်နေသေးတယ်လို့ သိရပါတယ်။ 

လက်ရှိမှာ မေတင်မောင်ဆန်းဝင်းတစ်ယောက်ဆေးရုံမှာကုသမှုခံယူနေရတာ အချိန်၂လပြည့်တော့မှာ ဖြစ်ပါတယ်။ဆိုးရွားလွန်းလှတဲ့နေ့ရက်တွေကို ဖြတ်သန်းခဲ့ရတာကြောင့်မေတင်မောင်ဆန်းဝင်းအနေနဲ့ ကျန်းမာရေးနဲ့ပတ်သတ်ပြီး တော်တော်လေးကို ကြောက်ရွံ့နေပါတယ်။ 

ဒီကနေ့ဒီဇင်ဘာလ၂၈ရက်နေ့ဟာ မေတင်မောင်ဆန်းဝင်းရဲ့မွေးနေ့ဖြစ်တာကြောင့်ဒီနှစ်မွေးနေ့အတွက်ဆုတောင်းကိုတော့ ပကတိအတိုင်း ပြန်လည်ကျန်းမာလာတဲ့ လူကောင်းတစ်ယောက်ဖြစ်ချင်တယ်လို့ မေတင်မောင်ဆန်းဝင်းက သူမရဲ့ လူမှုကွန်ရက်စာမျက်နှာပေါ်မှာ အခုလိုလေး ရေးတင်ထားပါတယ်။ 

"ဆေးရုံမှာနေနေရတဲ့ရက်ပေါင်းဒီနေ့ကျမမွေးနေ့၂၈ရက်နေ့နဲ့ဆိုနှစ်လပြည့်ဖို့၁၀ရက်ပဲလိုတော့တယ်

 ဒီလိုဆိုးရွားလွန်းတဲ့နေ့ရက်တွေကိုတော့ကျော်ဖြတ်နိုင်ခဲ့ပါပြီ

အာရုံကြောထိခိုက်မှုရှိနေတုန်းမို့

လူကောင်းပကတိဖြစ်ဖို့တော့ 

အတော်ကိုလိုပါသေးတယ်...

စိတ်ပူပေးကြတဲ့ဆွေမျိုးများမိတ်ဆွေသူငယ်ချင်းများကိုအထူးကျေးဇူးတင်ပါတယိ

အားလုံးပို့သတဲ့မေတ္တာကြောင့်သာ 

ခုလောက်ထိပြန်ကောင်းလာတာပါ...

ဒီနေ့မွေးနေ့မှာအလိုချင်ဆုံးဆုကတော့

ဒုံလူကောင်းပကတိအဖြစ်နဲ့ဆေးရုံကဆင်းနိုင်ဖို့

ဆုတောင်းပေးကြပါရှင်???

p.s. ဒီပို့စ်ကိုဒုံစာမရိုက်နိုင်လို့အမPadamyar Kkhine 

ကူပြီးရေးပေးတာကျေးဇူးပါ

28.12.2021"

မေတင်မောင်ဆန်းဝင်းတစ်ယောက် ဒီကနေ့သူမရဲ့မွေးနေ့ကစပြီးကျန်းမာရေးတွေပိုပြီး ကောင်းလာပါစေလို့ ဆုတောင်းပေးလိုက်ကြရအောင်နော်။  အမြန်ဆုံးကျန်းမာလာပါစေ။