Covid 19 ရောဂါကနေ ပျောက်ကင်းသက်သာသွားပြီဖြစ်တဲ့ Lisa

BlackPink အဖွဲ့ဝင်တစ်ဦးဖြစ်တဲ့ Lisa ကတော့ ကမ္ဘာတစ်လွှားက ပရိသတ်တွေအမြောက်အမြားရဲ့အားပေးမှုကိုရရှိပြီး လျှမ်းလျှမ်းတောက် အောင်မြင်နေသူလေး ဖြစ်ပါတယ် ။ ထိုင်းမလေးဖြစ်တဲ့ Lisaက ကိုရီးယားနိုင်ငံကိုသွားပြီး YG Entertainment နဲ့လက်တွဲခဲ့ရာကနေ BlackPink အဖွဲ့ဝင်တစ်ဦးအဖြစ် ပွဲထွက်ခဲ့တာ ဖြစ်ပါတယ် ။ 

November 24 ရက်နေ့ နေ့လည်က ဆေးစစ်ချက်အ‌ဖြေအရ BLACKPINK အဖွဲ့ဝင် Lisaက COVID-19 Positive ဖြစ်ခဲ့ရပါတယ်။ “ နေအိမ်မှာ ခဏတာကုသမှုခံယူနေတဲ့ LISA ဟာ ဒီကနေ December 4 ရက်နေ့မှာတော့ Self Quarantine ကနေ ထွက်ခဲ့ရပြီဖြစ်ပြီး ကျန်းမာရေးဆိုင်ရာ တာဝန်ရှိသူတွေရဲ့ အဆုံးအဖြတ်အရ ကူးစက်နိုင်ခြေမရှိတော့ဘူးလို့ဆိုကြောင်း ” LISA ရဲ့ အေဂျင်စီဖြစ်တဲ့ YG Entertainment ကပြောပါတယ်။

မကြာသေးမှီအချိန်ကတော့ BLACKPINK member တွေဖြစ်ကြတဲ့ JISOO , JENNIE နဲ့ ROSÉ တို့ကို COVID-19 ရောဂါပိုး ရှိ/မရှိ စမ်းသပ်စစ်ဆေးခဲ့ရာမှာ ပိုးမရှိကြောင်း Negative အဖြေထွက်ခဲ့ပါတယ်။ ကာကွယ်ဆေးထိုးနှံပြီးတစ်ပတ်ကျော်ကြာပြီးတဲ့နောက်မှာတော့ Quarantine ဝင်ရန် မလိုအပ်တော့ဘဲ စောင့်ကြည့်အခြေအနေအဖြစ်သာသတ်မှတ်ခံထားရပါတယ်။

ဒါပေမယ့်ပဲ  သူတို့သုံးယောက်ရဲ့ မဖြစ်မနေလုပ်ဆောင်ရမယ့် Schedule တွေကလွဲလို့ ကျန်တဲ့  Activities တွေကိုပါ လျှော့ချနေပါတယ်ဆိုပြီး ” YG Entertainment ကနေ ထုတ်ပြန်ထားတာ ဖြစ်ပါတယ်။ 

Source: -YG Entertainment