ချစ်ခင်ပွန်း ကိုခန့်နိုင်ရဲ့မွေးနေ့မှာ လူဦးရေ ၅၅၀စာအတွက် ဆန် နဲ့ ဆီ အလှူအတန်းပြုလုပ်ခဲ့တဲ့ ခိုင်သင်းကြည်

ထပ်ဆင့်အကယ်ဒမီခိုင်သင်းကြည်ကတော့ အနုပညာအလုပ်တွေကို ဟိုးအရင်ကတည်းက လုပ်ဆောင်ခဲ့တာဖြစ်ပြီး ပရိသတ်တွေရဲ့အားပေးချစ်ခင်မှုတွေကိုလည်း ရရှိထားတာဖြစ်ပါတယ်။  သူမဟာ  ချစ်ရတဲ့  ခင်ပွန်း ၊ သမီးလေးနဲ့အတူ  ကြည်နူးပျော်ရွှင်စရာကောင်းတဲ့  မိသားစုဘဝလေးကို  ဖန်တီးတည်ဆောက်ထားတာလည်း  ဖြစ်ပါတယ်။

ဒီဇင်ဘာလ (၃) ရက်နေ့ မနေ့ကတော့ ခိုင်သင်းကြည်ရဲ့ခင်ပွန်း ကိုခန့်နိုင်ရဲ့မွေးနေ့လေးပဲဖြစ်ပါတယ်။ ခိုင်သင်းကြည်က သူမရဲ့ချစ်ရတဲ့ခင်ပွန်းမွေးနေ့မှာ အမှတ်တရအဖြစ် အတွက် လူဦးရေ ၅၅၀စာအတွက် ဆန် နဲ့ ဆီအလှူအတန်းပြုလုပ်ခဲ့တာ ဖြစ်ပါတယ်။ 

ခိုင်သင်းကြည်က သူတို့မိသားစုလေးရဲ့ ပုံရိပ်လေးတွေကိုလည်း အမြဲမျှဝေလေ့ရှိရာ အခုလည်း ပျော်ပျော်ရွှင်ရွှင်ချစ်ရတဲ့မိသားစုနဲ့အတူ  မွေးနေ့အလှူအတန်းပြုလုပ်နေတဲ့ ကြည်နူးစရာပုံလေးတွေနဲ့အတူ "ဦးခန့်နိုင် မွေးနေ့အမှတ်တရ လူအယောက် ၅၅၀စာ ဆန်နှင့်ဆီအလှူ ?" လို့ရေးသားပြီး သူ့လူမှုကွန်ယက်ကတစ်ဆင့် ဝေမျှလာတာဖြစ်ပါတယ်။ ပုံလေးတွေတိုင်းမှာ အကုန်လုံးချစ်စရာကောင်းပြီး မခိုင်လေးကလည်း နုပျိုပြီးလှရက်လွန်းနေတာပါ။ပရိသတ်ကြီးအတွက် မခိုင်လေးတို့မိသားစုရဲ့ပုံလေးတွေကို မျှဝေပေးလိုက်ပါတယ်။

Source : KHINE THIN KYI’s FB Acc