မင်းသားချော အောင်မင်းခန့် လို့ဆိုလာရင်တော့ ပီပြင်ပိုင်နိုင်တဲ့သရုပ်ဆောင်ချက်များ၊ ခန့်ညားကြည်လင်တဲ့ အသွင်အပြင်နဲ့ ပရိတ်သတ်တွေကိုလေးစားစွာဆက်ဆံတတ်မှုကြောင့် ပရိတ်သတ်ရင်ထဲနေရာယူထားကာ အားပေးမှုတွေကိုအပြည့်အဝသိမ်းပိုက်ထားတဲ့မင်းသားတစ်ဦးလို့ လူသိများကြပါတယ်။

သူဟာ အနုပညာတွင်သာ အောင်မြင်ကျော်ကြားရုံသာမက ပရဟိတလုပ်ငန်းများတွက်လည်း စိတ်ပါလက်ပါနှင့်တက်ကြွစွာ ပါဝင်လှုပ်ရှားလေ့ရှိတာကြောင့် ပရိတ်သတ်တွေအကြား အောင်မြင်ကျော်ကြားသူတစ်ဦးဖြစ်ပါတယ်။အနုပညာလှုပ်ရှားမှုမှာလည်း ဇာတ်လမ်းတွဲများနှင့် ဇာတ်ကားပေါင်းများစွာမှာပါဝင်သရုပ်ဆောင်ခဲ့ပြီး ပရိတ်သတ်အားပေးမှုကိုရရှိခဲ့သူတစ်ဦးဖြစ်ပါတယ်။

နိုဝင်ဘာ (25)ရက်နေ့ကတော့ မင်းသား အောင်မင်းခန့်ရဲ့ (၃၁)နှစ်ပြည့်မွေးနေ့ဖြစ်ပြီး သူဟာ မွေးနေ့အတွက်ရည်ရွယ်ကာ ပရဟိတမိဘမဲ့ကျောင်း ကို ငွေကြေး နှင့် နို့မှုန့်နှင့်ကလေးအသုံးအဆောင်ပစ္စည်းများ လှူဒါန်းခဲ့ပါတယ်။ဒါ့အပြင် ဂေဟာရှိ ကလေးငယ်များအား ဆံပင်ညှပ်ပေးခြင်း နှင့် လက်သည်းညှပ်ပေးခြင်း အစရှိတဲ့ ကုသိုလ်များကို သွားရောက်လှူဒါန်းကုသိုလ်ပြုခဲ့တာဖြစ်ပါတယ်။