တစ်ချိန်က ရေပန်းစားကျော်ကြားခဲ့တဲ့ တီဗီရုပ်သံဇာတ်လမ်းတွဲတစ်ခုဖြစ်တဲ့ စပိုင်ချစ်သူ ဇာတ်လမ်းတွဲထဲက အမေရိကန်နိုင်ငံသား မင်းသားချောလေးကို မှတ်မိကြမယ်ထင်ပါတယ်။သူ့နာမည်ကတော့ Dennis Joseph O'Neil လို့ခေါ်ဆိုပြီး သူဟာ စပိုင်ချစ်သူဇာတ်လမ်းတွဲမှစတင်ကာ ပရိတ်သတ်တွေရဲ့ ချစ်ခင်အားပေးမှုအပြည့်အဝရရှိခဲ့သူတစ်ဦးဖြစ်ပါတယ်။

သူဟာ အမေရိကန်နိုင်ငံသားတစ်ဦးဖြစ်ပြီး အမေရိကန်နိုင်ငံမှာသာမက တောင်ကိုးရီးယားနိုင်ငံမှာပါ အနုပညာလှုပ်ရှားမှုများကို လုပ်ဆောင်ခဲ့ပါတယ်။သို့ပေမယ့် လက်ရှိမှာတော့ သူဟာ အနုပညာလှုပ်ရှားမှုများကို ခပ်ကျဲကျဲသာလှုပ်ရှားလာတော့တာပဲဖြစ်ပါတယ်။

အနုပညာလုပ်ငန်းတွေ ခပ်ကျဲကျဲသာလှုပ်ရှားလာတော့တဲ့ Dennis ဟာလက်ရှိမှာတော့ သူအရမ်းကိုသဘောကျတဲ့ ခရီးထွက်ခြင်းဖြင့် အချိန်တွေကုန်ဆုံးစေနေခဲ့တာဖြစ်ပါတယ်။လက်ရှိမှာတော့ သူဟာ အမေရိကန်နိုင်ငံအနှံ့လှည့်လည်သွားလာနေခဲ့တာဖြစ်ပါတယ်။သူဟာ ခရီးသွားရတာကို တကယ်ပဲ ကြိုက်နှစ်သက်ပြီး ခရီးနဲ့ပတ်သက်တဲ့ အမှတ်တရအသေးအမွှားကအစ Social Media ပေါ်မှာ မျှဝေလေ့ရှိပါတယ်။ပရိတ်သတ်တွေအနေနဲ့လည်း သူ့ရဲ့ ခရီးသွားပုံရိပ်တွေကိုခံစားနိုင်အောင်ဖော်ပြလိုက်ရပါတယ်။