လှပချောမောစွာကြီးပြင်းလာတဲ့ Miracle in Cell No. 7 ထဲမှကလေးသရုပ်ဆောင်လေး ကယ်ဆိုဝန်

Miracle in Cell No. 7 (2013) ဇာတ်လမ်းလေးဟာဆိုရင် တောင်ကိုရီးယားမှာ အရမ်းကို နာမည်ကြီးပြီးရောင်းအားအကောင်းဆုံး ရုပ်ရှင်တွေထဲက တစ်ကားဖြစ်ပါတယ်။ 

ဇာတ်လမ်းထဲမှာဆိုရင် သရုပ်ဆောင်တွေက အရမ်းကို တော်ပြီး သဘာဝကျလွန်းလို့ ဘယ်အချိန်ကြည့်ကြည့်ရိုးမသွားတဲ့ ကားကောင်းလေးတစ်ကားပါ။ Miracle in Cell No. 7 ထဲမှာဆိုရင် တောင်ကိုရီးယားနာမည်ကြီးသရုပ်ဆောင်မင်းသမီး ပတ်ရှင်ဟေး လည်းပါဝင်သရုပ်ဆောင်ထားပါတယ်။

Miracle in Cell No. 7 က လွန်ခဲ့တဲ့ ၂၀၁၃ ခုနှစ်က ထွက်ရှိခဲ့တဲ့ ဇာတ်လမ်းလေးဖြစ်လို့ သူ့ထဲမှာပါဝင်သရုပ်ဆောင်ထားတဲ့ သရုပ်ဆောင်တွေဟာဆိုရင်လည်း အသက်အရွယ်အပိုင်းအခြားတစ်ခုကို ရောက်ရှိလို့လာပါပြီ။ အဲဒီထဲကမှ အဓိကကလေးသရုပ်ဆောင်လေး ကယ်ဆိုဝန်ရဲ့ ပြောင်းလဲလာမှုလေးက လူအများကြားမှာ အရမ်းကို ရေပန်းစားလျက်ရှိပါတယ်။

ကယ်ဆိုဝန်လေးဟာ Take Care of Us , Captain (2012) ဇာတ်လမ်းမှာ ကလေးသရုပ်ဆောင်အဖြစ် စတင်ပွဲဦးထွက်ခဲ့တဲ့ကလေးမလေးပါ။ ထို့နောက် Miracle in Cell No. 7 (2013) မှာပါဝင်သရုပ်ဆောင်ခဲ့ပြီး လူပိုပြီးသိလာခဲ့ပါတယ်။ သူမကလေးသရုပ်ဆောင်အဖြစ်ပါဝင်ရိုက်ကူးထားတဲ့ ဇာတ်လမ်းတွေလည်း အများကြီးပါပဲ။ အခုဆိုရင် ကယ်ဆိုဝန်လေးရဲ့ အသက်က ၁၆ နှစ်ရှိသွားပါပြီ။

ကလေးသရုပ်ဆောင်လေးအဖြစ် လူသိများခဲ့တဲ့ ကယ်ဆိုဝန်လေးဟာ ကလေးတုန်းကလည်း ချစ်ဖို့အရမ်းကောင်းသလို အရွယ်ရောက်လာတော့လည်း တကယ်ကို လှလှပပလေး ကြီးပြင်းလာခဲ့တာပါ။ ကယ်ဆိုဝန်လေးကို လူကြီးသရုပ်ဆောင်အဖြစ် ဇာတ်လမ်းကြီးတွေမှာပါဝင်သရုပ်ဆောင်ဖို့ ပရိသတ်တွေက မျှော်လင့်ထားကြပါတယ်။ မျက်နှာလေးက ကြည်လင်ပြီးချောမောနေလိုက်တာနော် .. လှလိုက်တာကောင်မလေးရေ ..