သားဖြစ်သူရေမွန်ကွယ်လွန်ခြင်း ၅ လပြည့်အလှူလေး ပြုလုပ်ပေးခဲ့တဲ့ အဆိုတော်ခင်မြတ်မွန်

Idiots band ရဲ့ အဖွဲ့ဝင်တစ်ယောက်ဖြစ်တဲ့ တေးရေး ၊ တေးဆို ဂီတပညာရှင်၊ အဆိုတော်ရေမွန်ကွယ်လွန်သွားခဲ့တာ ဒီနေ့ဆိုရင် ၅ လတောင်ပြည့်ခဲ့ပါပြီ။ အဆိုတော်ရေမွန်ဟာ ပြည်သူတွေနဲ့တစ်သားတည်းရပ်တည်ခဲ့ရင်း ခက်ခဲပင်ပန်းစွာနေထိုင်ခဲ့ရတာကြောင့် ပြီးခဲ့တဲ့ ၂၀၂၁ ခုနှစ် ဇွန်လ ၂၃ ရက်နေ့မှာ ကရင်ပြည်နယ်မှာပဲ ကွယ်လွန်သွားခဲ့ရတာဖြစ်ပါတယ်။ အဆိုတော်ရေမွန်ဟာ အနုပညာပါရမီပါပြီး အရမ်းကို တော်တဲ့လူတစ်ယောက်ဖြစ်တာကြောင့် ကွယ်လွန်သွားချိန်မှာ ပရိသတ်တွေဟာ များစွာ ယူကြုံးမရဖြစ်ခဲ့ကြပါတယ်။

မကြွေလွင့်သင့်ပဲကြွေလွင့်သွားခဲ့ရတဲ့ကြယ်တစ်ပွင့်ဖြစ်တာကြောင့် ဆုံးရှုံးမှုတန်ဖိုးဟာဆိုရင်လည်း တကယ်ကို အဖိုးမဖြတ်နိုင်လှပါဘူး။ ကွယ်လွန်သွားခဲ့ရတဲ့ သားဖြစ်သူနှင့် ပတ်သတ်ပြီး မိခင်ကြီး အဆိုတော်ခင်မြတ်မွန်ဟာဆိုရင်လည်း နေ့စဉ်နှင့်အမျှအောက်မေ့သတိရနေခဲ့တာပါ။ မိခင်ကြီး ခင်မြတ်မွန်ဟာ သားဖြစ်သူလေး ထွက်ခွာသွားတာ ၅ လပြည့်တဲ့နေ့မှာလည်း သားဖြစ်သူလေးအတွက် ရည်စူးပြီး အလှူလေးတွေ ပြုလုပ်ပေးခဲ့တဲ့အကြောင်း သူမရဲ့ လူမှုကွန်ရက်စာမျက်နှာပေါ်မှာ အခုလိုလေး ရေးတင်ထားပါတယ်။

“ဒီနေ့ တွတ်ပီလေး ဆုံးပါးသွားတာ

၅လတင်းတင်းပြည့်ပြီ.

ဒီလ 26 th ကလဲ တွတ်ပီ 33 နှစ်ပြည့်

မွေးနေ့မို့ သူ့အတွက် ထူးထူးခြားခြားလေး

ကုသိုလ်ကောင်းမှုပြုဖို့ကြံရွယ်ထားတာ

သူကလဲ(တဆင့်ကြားခံနဲ့) နယ်

(အဖိုးအဖွား

ဆွေမျိုးများရဲ့ဇာတိ)မှာလှူပေးဖို့

သေချာမှာထားတယ်

ဒါပေမဲ့ အခြေအနေတွေမကောင်းလို့

ရက်‌နဲနဲရွှေ့လိုက်ပါတယ်.

(အိမ်ကဘုရားလဲဘုရားပါဘဲလို့

အကန်တွေပြောပြီး blame မလုပ်ကြနဲ့နော်!

စဉ်းစားဆင်ခြင်တုံတရားရှိပြီး

နားလည်လို့ မသွားသေးတာ.

အသက်ကိုဉာဏ်နဲ့စောင့်ရှောက်နေတာ)

(စိတ်ရင်းအတိုင်းဆို..

အိမ်ဘုရားတင်မက နယ်မြို့‌လေးက

မပြည့်စုံတဲ့ဘုရားစေတီတွေ၊နွမ်းပါး

ချို့တဲ့တဲ့ ကျောင်းတွေ၊သံဃာတွေကို

တပိုင်တနိုင်လှူဒါန်းထောက်ပံ့ချင်စိတ်

လေးနဲ့သွားချင်တာပါ

Post တစ်ချို့တွေမှာလို

ဘုရားဖူးအကြောင်းပြ

ဖလန်းဖလန်းထပြီးအပျော်ကျူးဖို့

အစီအစဉ်လုံးဝမရှိ ! နကိုကလဲအဲ့လို

မနေခဲ့ဖူးပါ.

တွတ်ပီမရှိတော့ထဲက

အပျော်ဆိုတာလဲ ကိုယ်နဲ့မသက်ဆိုင်တော့ပါဘူး

ဒါပေမဲ့. .သေသူကလဲတောင်းဆိုထားတယ်

သေသူတွေမပြုလုပ်နိင်တော့တဲ့

ကုသိုလ်ကောင်းမှူတွေကို ဆက်လက်

ရှင်သန်နေသူတွေက

ရည်စူးပြီး လှူဒါန်းလုပ်ကိုင်ပေးရမှာလေ !!!

ဒါကြောင့်. .

ဘာလုပ်လုပ်အပြစ်မြင်တတ်တဲ့

အကန်စိတ်တစ်ခုထဲနဲ့ ကျေးဇူပြု၍

လာ blame မလုပ်ကြပါနဲ့နော် !

လုပ်ရင်လဲ ဂရုမစိုက်ပါဘူး

ကုသိုလ်ကြားထဲ ဒေါသမရောစွက်

ချင်လို့ပါ)

ဒါကြောင့်. . .

ဒီနေ့တော့ နေအိမ်ဘုရားမှာဘဲ

ဆွမ်း၊ပန်း၊ဆီမီး၊ရေချမ်းကပ်လှူပြီး

သူ့အတွက် ဆုတောင်းအမျှဝေပေးလိုက်ပါ

တယ်.အားလုံးလဲ အမျှရကြ၍

ကိုယ်စိတ်နှစ်ဖြာ ကျန်းမာချမ်းသာကြပါစေ ?”

မိခင်ရဲ့မေတ္တာဆိုတာ အကြီးမားဆုံးပါပဲနော်။ သားဖြစ်သူကို တစ်ရက်မှမပျက် လွမ်းဆွတ်သတိရနေခဲ့တာ။ ကိုရေမွန်တစ်ယောက်လည်း အန်တီခင်မြတ်မွန် ပြုလုပ်ပေးနေတဲ့ ကုသိုလ်ကောင်းမှုအလှူလေးတွေကြောင့် အေးချမ်းတဲ့ ကောင်းရာမွန်ရာဘဝမှာ ရှိနေမှာပါ။