ယမန်နေ့က ဗြိတိန်ဟာသသရုပ်ဆောင် မင်းသားကြီး Mr.Bean ကွယ်လွန်သွားပြီးဆိုတဲ့ သတင်းကို မဟုတ်မမှန်ရေးသားသူတွေက Fox News မှာ လွှင့်တင်ခဲ့ပြီးနောက် တောမီးလို လျင်မြန်စွာ ပျံ့နှံ့သွားခဲ့ပါတယ်။ ဒီလိုသတင်းနဲ့ပတ်သက်ပြီး ဗီဒီယာတချို့ကတော့ Mr.Bean သေဆုံးသွားတယ်ဆိုတာ မဟုတ်ဘဲ ကောလဟလသာ ဖြစ်ကြောင်း သတင်းစာမျက်နှာတွေမှာ ရေးသားဖော်ပြလာတာ တွေ့ရပါတယ်။ ယခုအချိန်ထိ မင်းသားကြီး Mr.Bean ဟာ အသက်ရှင်လျက်နဲ့ရှိနေပြီး ကျန်းမာရေးကောင်းမွန်စွာရှိတယ်လို့ ဆိုပါတယ်။

Mr.Bean ကွယ်လွန်သွားပြီးဆိုတဲ့ ကောလဟလသတင်းများကြောင့် ချစ်တဲ့ပရိသတ်တွေကလည်း များစွာစိတ်မကောင်းဖြစ်ခဲ့ရပြီး ထိပ်လန့်ခဲ့ရပါတယ်။ Mr.Bean ဟာ အသက် (၆၂) နှစ်အရွယ်ရှိပြီး ဒီလို ဆိုရှယ်မီဒီယာပေါ်မှာ သေဆုံးသွားတယ်ဆိုတဲ့ လုပ်ကြံသတင်းထွက်ပေါ်ခဲ့တာဟာ တတိယအကြိမ်မြောက်ရှိခဲ့ပါပြီ။

၂၀၁၆ ခုနှစ် ဇူလိုင်လလောက်မှာ Mr.Bean ဟာ ပြင်းထန်သော စိတ်ဓာတ်ကျခြင်းကို ရင်ဆိုင်ရပြီးနောက် သူ့ကိုယ်သူ သတ်သေသွားကြောင်း သတင်းများထွက်ရှိခဲ့သလို ဒီနှစ်အစောပိုင်းကလည်း Mr. Bean ဟာ ကားမတော်တဆမှုမှာ သေဆုံးခဲ့တယ်လို့လည်း လုပ်ကြံသတင်းတွေ ထပ်မံ ထွက်ပေါ်ခဲ့ပါတယ်။ ဒီသတင်းတွေကြောင့် ပရိသတ်တွေကလည်း သူတို့ရဲ့ အချစ်တော် မင်းသားကြီး သေဆုံးမှုအပေါ် ဝမ်းနည်းကြေကွဲစွာ ခံစားခဲ့ကြရပါတယ်။

သတင်း အရင်းအမြစ်៖ Source - life & Nature