MRTV က အစောဆုံး CDMလုပ်ခဲ့တဲ့ အစီအစဉ်တင်ဆက်သူ ပြန်ကြားရေးဝန်ကြီးဌာန ဦးစီးဌာန ဦးစီးအရာရှိ ဦးကျော်သက်လင်းဟာ ယခုလက်ရှိမှာ တောခိုခဲ့ပြီး စစ်ပညာသင်ယူကာ စစ်ကောင်စီကို တော်လှန်တိုက်ခိုက်ဖို့ကြိုးပမ်းခဲ့သူ ဖြစ်ပါတယ်။ တောတွင်းမှာ အပင်ပန်းဒုက္ခခံ ကြိုးပမ်းနေတဲ့ ဦးကျော်သက်လင်းက ကိုဗစ်၊ ငှက်ဖျားနဲ့တုပ်ကွေးရောဂါ ဝေဒနာတွေကနေ လွတ်မြောက်ပြီး ကျန်းမာလာခဲ့တာလည်း ဖြစ်ပါတယ်။ 

မတရားမှုကို တော်လှန်ပြီး အမှန်တရားဘက်ကနေ ရပ်တည်နေတဲ့ ဦးကျော်သက်လင်းဟာ ယခုအချိန်မှာလည်းမိဘတွေရဲ့ အမွေပြတ် စွန့်လွှတ်တာကို ခံလိုက်ရသလို သူရဲ့ ဇနီးဖြစ်သူကလည်း ၎င်းနှင့်မသက်ဆိုင်တော့ကြောင်းမြန်မာ့အလင်းသတင်းစာ စာမျက်နှာ (၃၀)မှာ ထည့်သွင်းကြော်ငြာခဲ့တာဖြစ်ပါတယ်။ 

သူ့ခံစားချက်လေးကို "ဒါအချစ်လား...?

သေချာလား.....?

ပြန်စဥ်းစားကြည့်တော့ 

အဖြေကိုရှာမရ.....

ကိုယ်ပေါင်းဖက်ပေးခဲ့တဲ့

ထောင်ချီတဲ့ မဂ်လာမောင်မယ်တွေ

ရွှေလက်တွဲမြဲကြစေဖို့

ဒီဦးလေးကြီးက ယတြာချေပေးလိုက်တယ်လို့ပဲမှတ်ယူကြပါတော့...

၄၀ ကျော်ကတည်းက

တက်လိုက်တဲ့ ပြသာနာ

ပျက်လိုက်တဲ့ နာမည်

လုပ်ခဲ့ဘူးတဲ့ အမှားများ

ခုထိ မိသားစုတကွဲတပြား

မကျေနပ်သေးဘူးလား ကံဇာတ်ဆရာ။

ခုချိန်ထိတော့ အောင့်လာတဲ့

ဘယ်ဘက်ရင်အုံကိုဖိရင်း တည်ငြိမ်စွာရင်ဆိုင်လျက်ပါ။" ဆိုပြီး လူမှုကွန်ယက်ပေါ်မှာ ရေးသားထားတာပဲ ဖြစ်ပါတယ်။

Photo Credit & Source: U Kyaw Thet Linn’s Facebook Acc