မြန်မာသံစဥ်တွေနဲ့ ဂီတလောမှာ အောင်မြင်ခဲ့တဲ့ နိုင်ငံကျော်အဆိုတော် မိုးသက်နိုင်ကတော့ ချစ်တဲ့ ပရိသတ်တွေနဲ့ အနုပညာမောင်နုမတွေကို ပြီးခဲ့တဲ့ နိုဝင်ဘာ (၁၂)ရက်နေ့ကပဲ အပြီးအပိုင်နှုတ်ဆက်ထွက်ခွာ သွားခဲ့ပြီဖြစ်ပါတယ်။ မိုးသက်နိုင် ကွယ်လွန်သွားချိန်မှာတော့ အသက် (၃၃) နှစ်သာရှိသေးပြီး မြန်မာသံစဥ်လောကအတွက် ကြီးမားတဲ့ ဆုံးရှုံးမှုတစ်ခု ဖြစ်ခဲ့ရပါတယ်။

မိုးသက်နိုင်ဟာ အဆိုတော်အနေနဲ့အပြင် နေထူးနိုင်ရဲ့ ဇာတ်ကားတော်တော်များများထဲမှာ သရုပ်ဆောင်တစ်ယောက်အနေနဲ့လည်း လျှောက်လှမ်းလာခဲ့တာ တွေ့ရပါတယ်။ ယမန့်နေ့ကတော့ ညီအစ်ကိုလို ချစ်ခင်ရတဲ့ နေထူးနိုင်ကတော့ ကြည်နူးစရာ အလှူလေးကို ပြုလုပ်ပေးခဲ့ပါတယ်။ ဒီအလှူလေးကတော့ ကွယ်လွန်သွားရှာပြီဖြစ်တဲ့ မိုးသက်နိုင်အတွက် ရည်စူးပြီး ပြုလုပ်ပေးခဲ့တဲ့ အလှူလေးပါ။

ကျောင်းရှိ ​သံဃာ​တော်များအား ​နေ့ဆွမ်းနှင့် သကႅန်းများ ကပ်လှူ​ပေးခဲ့ပြီး မိုးသက်နိုင်အတွက် ကောင်းမှုကုသိုလ်ကို အနုပညာညီအစ်ကို မောင်နှမတွေနဲ့အတူ ပြုလုပ်ပေးခဲ့တာ ဖြစ်ပါတယ်။ ကွယ်လွန်သွားရှာပြီဖြစ်တဲ့ အဆိုတော် မိုးသက်နိုင်ကို ကောင်းရာမွန်ရာရောက်အောင် ဆုတောင်းမေတ္တာတွေကို ပရိသတ်တွေနဲ့အတူ ပို့သပေးပြီး နေထူးနိုင် ပြုလုပ်ပေးခဲ့တဲ့ အလှူပုံရိပ်တချို့ကို ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Source - Nay Htoo Naing