စုံတွဲအခွီပုံတွေ မျိုးစုံနဲ့ မျက်နှာပြောင်ပြီး ရိုက်ထားကြတဲ့ ထိုင်းနာမည်ကြီး အနုပညာရှင်စုံတွဲ Yaya နဲ့ Nadech တို့ရဲ့ ပုံရိပ်များ

ထိုင်းနိုင်ငံရဲ့ နာမည်ကြီး အနုပညာရှင်စုံတွဲတွေထဲက အရမ်းလိုက်ဖက်ညီလှတဲ့ စုံတွဲကတော့ ထိုင်းမင်းသားချောNacech Kugimiya နဲ့ မင်းသမီး Yaya Urassaya တို့ပဲ ဖြစ်ပါတယ်။ သူတို့စုံတွဲလေးက ပရိသတ်တွေရဲ့ အားပေးထောက်ခံမှုကို ရရှိထားတဲ့ Golden Couple လေးဆိုရင်လဲ မမှားပါဘူး။ သူတို့ရဲ့အချစ်ရေးကို တရားဝင်ချပြထားတာဖြစ်ပြီး ထိုင်းပရိသတ်တွေသာမက မြန်မာနိုင်ငံက ပရိသတ်တွေကပါသူတို့စုံတွဲကို ချစ်ခင်အားပေးပြီး ဝန်းရံနေကြတာ ဖြစ်ပါတယ် ။

နှစ်ယောက်လုံးက အေးချမ်းလှတဲ့အပြင် တကယ့်ကိုလိုက်ဖက်လွန်းလှတဲ့ သူတို့အတွဲလေးက 2011 လောက်ကနေစတွဲလာခဲ့ပြီး အခုဆို သူတို့စုံတွဲရဲ့ ချစ်သူသက်တမ်းကလည်း (၁၀)နှစ်ကျော်သွားပြီ ဖြစ်ပါတယ်။ သူတို့ စုံတွဲကနှစ်ဖက်မိဘရဲ့ သဘောတူ နှစ်သက်မှုကိုလဲ ရထားတဲ့စုံတွဲလေးပါ။ နှစ်ဖက်မိသားစုတွေနဲ့အတူ ရက်ထူး ရက်မြတ်တွေမှာ အမြဲလိုလို တွေ့ဆုံလေ့ရှိကြပါတယ်။ 

YaYa နဲ့ Nadech တို့ဟာ အမြဲပျော်ပျော်နေတတ်ကြပြီး စနောက် နောက်ပြောင်နေတဲ့ကြတဲ့သူတွေပါ။ အခုလည်းချစ်စဖွယ် အမူအရာလေးတွေနဲ့   စုံတွဲအခွီပုံတွေ မျိုးစုံနဲ့ မျက်နှာပြောင်ပြီး ရိုက်ထားကြပါသေးတယ်။ရှေ့သွားနောက်လိုက်ညီပြီး ပရိသတ်တွေရဲ့အားပေးချစ်ခင်မှုကို ပိုင်ဆိုင်ထားတဲ့ YaYa နဲ့ Nadech တို့ရဲ့စုံတွဲပုံလေးတွေကို ပြန်လည်မျှဝေပေးလိုက်ပါတယ်။