သားသားလား မီးမီးလား မသိသေးပေမယ့် နှလုံးစခုန်နေပြီဖြစ်တဲ့ သူတို့ရဲ့ရင်သွေးလေးကိုကြည့်ပြီး ချစ်အားတွေပိုနေရတဲ့ ဘုန်းလျှံ

သဘာဝမင်းသားလို့တောင် ချစ်တဲ့ပရိသတ်တွေက ခေါ်တတ်ကြတဲ့ ဘုန်းလျှံ ကတော့ အောင်မြင်မှုရရှိနေတဲ့ အနုပညာရှင်တစ်ယောက်ပါ။ လက်ရှိအချိန်ထိလည်း အနုပညာအလုပ်တွေလည်း လုပ်ကိုင်နေသလို ကိုယ်ပိုင်စီးပွားရေး လုပ်ငန်းကိုလည်း တစ်ဖက်တစ်လမ်းက လုပ်ကိုင်နေတာဖြစ်ပါတယ်။ ဒါ့အပြင် သာယာပျော်ရွှင်စရာကောင်းတဲ့ အိမ်ထောင်ရေးကို မကြာသေးခင်ကမှ တည်ဆောက်ထားပြီး ဘဝကို ရိုးရှင်းစွာ ဖြတ်သန်းနေထိုင်နေတာပါ။

ချစ်ဇနီးလေးကလည်း ပါရမီဖြည့်ဖက်ကောင်းတစ်ယောက်ပီသတာကြောင့် နေနဲ့လ၊ရွှေနဲ့မြလို အရမ်းလိုက်ဖက်ညီနေပြီး သိပ်ချစ်ကြတဲ့ ဇနီးမောင်နှံတွေပဲ ဖြစ်ပါတယ်။ စိတ်တူကိုယ်တူ သာယာတဲ့ အိမ်ထောင်ရေးရရှိပိုင်ဆိုင်ထားတဲ့ ဘုန်းလျှံတို့ ဇနီးမောင်နှံနှစ်ယောက်ကိုလည်း ပရိသတ်တွေကလည်း ချစ်ခင်အားကျနေရတာ ဖြစ်ပါတယ်။ ဝမ်းသာစရာကတော့ ဘုန်းလျှံဟာ မကြာခင်မှာ ဖခင်ကောင်းတစ်ယောက်အနေနဲ့ ပရိသတ်တွေ မြင်တွေ့နေရတော့မှာပါ။

ယခုမှာလည်း ဘုန်းလျှံက မကြာခင် မိသားစုဘဝထဲ ရောက်လာတော့မယ့် သူတို့ ရင်သွေးလေးဟာ နှလုံးစခုန်အသက်ဝင်လာပြီဖြစ်လို့ ယခုကတည်းက အချစ်ပိုနေရကြောင်းကို ဖော်ပြလာခဲ့ပါတယ်။" ဒီတစ်ခါတော့ ကလေးက နှလုံးစခုန်ပြီး အသက်ဝင်ပါပြီဗျာ...သားသားလားမီးမီးလားမသိသေးပေမယ့် ပါးပါးကအရမ်းချစ်နေပြီကလေးရေ...."ဆိုပြီး ကြည်နူးစွာ ရေးသားထားတာတွေ့ရပါတယ်။ မကြာခင် မိသားစုထဲရောက်လာတော့မယ့် ကလေးကို ယခုကတည်းက အချစ်ပိုနေတဲ့ ဘုန်းလျှံကိုတော့ ပရိသတ်တွေလည်း ထပ်တူကြည်နူးပျော်ရွှင်စေမှာတော့အမှန်ပါ။

သတင်း အရင်းအမြစ်៖ Source - Bhone Hlyan