အရမ်းကို ချစ်ကြသော ကမ္ဘာကျော်စုံတွဲအဖြစ်သတ်မှတ်ခြင်းခံခဲ့ရတဲ့ Zayn Malik နဲ့ Gigi Hadid တို့ဟာ သိပ်မကြာခင်ကပဲ လမ်းခွဲပြတ်စဲခဲ့တာဖြစ်ပါတယ်သူတို့နှစ်ဦးရဲ့ လမ်းခွဲပြတ်စဲမှုဟာ ကမ္ဘာတစ်ဝှမ်းလုံးက သူတို့ကို အားပေးတဲ့ပရိတ်သတ်တွေရဲ့ အသည်းကို ကြေမွပျက်စီး စေခဲ့တဲ့ သတင်းဆိုးတစ်ရပ်ပဲဖြစ်ပါတယ်။

အခုလိုဖြစ်ခဲ့တဲ့အကြောင်းအရာတွေနဲ့ပတ်သက်ပြီးတော့ Zayn Malik ရဲ့မိခင်ဟာ သူ့သားကိုအရမ်းစိတ်ပူနေတာဖြစ်ပါတယ်။ သူ့သား က အခုချိန်မှာ အလွန် စိတ်ထိခိုက်ပြီး ပြိုလဲနေမယ်ဆိုတာ သူ့အနေနဲ့ မိခင်တစ်ယောက်အနေနဲ့ ခံစားလို့ရတဲ့အတွက် သူ့သားကို မိသားစုရှိရာ နေအိမ်သို့ပြန်လာနေစေချင်တာဖြစ်ပါတယ်။

Zayn ဟာ အရမ်းသိုသိုသိပ်သိပ်နေတတ်သူတစ်ဦးဖြစ်ပြီး သူရဲ့ခံစားချက်အချို့ကိုတောင် ဖော်ပြလေ့မရှိတတ်တာကြောင့် သူ့ရဲ့ မိသားစုနဲ့ ပရိတ်သတ်များကလည်း အခုအချိန်မှာ အရမ်းကို စိတ်ပူနေကြတာဖြစ်ပါတယ်။ Zayn Malik နဲ့ Gigi Hadid ဟာ (၂၀၁၆)ခုနှစ်မှ စတင် ချစ်ကြိုက်ခဲ့တာဖြစ်ပြီး (၅)နှစ်အကြာမှာ လမ်းခွဲပြတ်စဲခဲ့တာဖြစ်ပါတယ်။ပရိတ်သတ်တွေအနေနဲ့ကတော့ ပြန်လည်အဆင်ပြေစေချင်နေကြတာဖြစ်ပါတယ်။