သရုပ်ဆောင် ဟဲဗီးဖြိုးကတော့ အနုပညာလောကမှာ ငယ်စဉ်ကတည်းက ကလေးသရုပ်ဆောင်အဖြစ် ဇာတ်ကားတွေများစွာ ရိုက်ကူးထားပြီး အောင်မြင်မှုတွေအခိုင်အမာရရှိထားသူလေးပါ။ လက်ရှိအချိန်ထိလည်း အနုပညာအလုပ်တွေကို လုပ်ကိုင်လျက်ရှိနေပေမယ့် လတ်တလော နိုင်ငံရေးအခြေအနေတွေကြောင့် အနုပညာနဲ့ပတ်သက်တာတွေကို ရပ်နားထားတာ တွေ့ရပါတယ်။

နွေဦးတော်လှန်ရေး အချိန်ကာလတွေမှာလည်း အနုပညာရှင်တစ်ယောက်ဖြစ်ပေမယ့် ပြည်သူတွေနဲ့ အတူ တစ်သားတည်းရပ်တည်ပေးခဲ့ပြီး တစ်ထောင့်တစ်နေရာကနေ တက်ကြွစွာ ပါဝင်ခဲ့ပါသေးတယ်။ ယခုမှာလည်း နိုင်ငံရေး အကျပ်အတည်းတွေ ဖြစ်နေတဲ့အချိန်ကာလမျိုးမှာ အရင်လို ပုံရိပ်လေးတွေနဲ့ ဗီဒီယိုလေးတွေရိုက်ကူးပြီး လူမှုကွန်ယက်မှာ မဖော်ပြတော့ဘူးလားလို့ မေးခွန်းထုတ်လာတဲ့ သူတချို့ကို ဟဲဗီးဖြိုးက ထိမိတဲ့စကားတွေနဲ့ ချေပပြောဆိုလာခဲ့ပါတယ်။

ဒီလို ဟဲဗီးဖြိုးရဲ့ လေးစားစရာ ဖွင့်ဟပြောဆိုချက်တွေကို ပရိသတ်တွေကလည်း ချီးကျူးပေးခဲ့ကြတာ တွေ့ရပါတယ်။ဒါ့အပြင် အနုပညာနဲ့ပတ်သက်တာလေးတွေကို နိုင်ငံရေးအခြေအနေပြီးဆုံးမှ ဖော်ပြပေးသွားမယ်လို့လည်း သိရပါတယ်။ အားပေးကြတဲ့ ပြည်သူတွေ ဒုက္ခအခက်အခဲ ဖြစ်ပေါ်နေချိန်မှာ အောင်မြင်မှုတွေကို ဘေးချိတ်ထားတဲ့ ဟဲဗီးဖြိုးရဲ့ ခံယူချက်တွေကတော့ တကယ့်ကို လေးစားစရာပါ။

သတင်း အရင်းအမြစ်៖ Source - Heavy Phyo