၇ရက်သားသမီးများရဲ့ ထုံကျင် ကိုက်ခဲလေဖြတ်လေငန်းကျီးပေါင်းဂေါက်ရောဂါနဲ့ အရိုးအကြောစတဲ့ ရောဂါများကို ကုသပေးနေတဲ့ သရုပ်ဆောင်ထူးခန့်ကျော်ကတော့ ဒီတစ်ခေါက်မှာလည်း 5star အဖွဲ့မှ ရုပ်ရှင်နဲ့ဗွီဒီယိုသရုပ်ဆောင် ဟာသမင်းသားကြီး ကိုကျင်ဝှက်ရဲ့ အကြောရောဂါလေးကို သူ့အနေနဲ့ပျောက်ကင်းအောင်ကုသပေးခွင့်ရတဲ့အတွက် ထူးခန့်ကျော်တစ်ယောက် အင်မတန်ဝမ်းသာပီတိဖြစ်မိကြောင်းကို သူ့ရဲ့လူမှုကွန်ယက်စာမျက်နှာပေါ်မှာ ဝေမျှလာခဲ့ပါတယ်။

သရုပ်ဆောင်ထူးခန့်ကျော်(ဗေဒါ)ဟာဆိုရင်အနုပညာပိုင်းမှာဆိုရင်လည်း  ပရိတ်သတ်တွေရဲ့အားပေးမှုကို အပြည့်အဝရရှိထားသူတစ်ဦးဖြစ်သလို သူဟာ ယခုလက်ရှိမှာဆိုရင်လည်း လေဖြတ်ဝေဒနာခံစားနေရသည့်လူနာများကို  စေတနာနဲ့ အခမဲ့ကုသပေးနေသူတစ်ဦးလည်း ဖြစ်ပါတယ်။

သူ့ဆီကို  လာရောက်ပြသသူတွေ အရမ်းများပြားတဲ့အတွက် ရက်ချိန်းကြိုတင်ယူပြီးသွားပြရတဲ့အထိကို နာမည်ကြီးသလို လာရောက်ပြသသူများထဲတွင် အနုပညာအသိုင်းအဝိုင်းထဲက အနုပညာရှင်များလည်း လာရောက်ပြသကြပါတယ်။

ထူးခန့်ကျော်ကလည်း သူ့ရဲ့လူမှုကွန်ယက်စာမျက်နှာပေါ်မှာ သူ့ထံသို့လာရောက်ကုသမှုခံယူကြတဲ့ ၇ရက်သားသမီးများအားလုံးစိတ်ရှည်သည်းခံပြီး စောင့်ဆိုင်းကာကုသမှုခံယူပေးတဲ့အတွက် သူ့အနေနဲ့ကျေးဇူးတင်ကြောင်း ရေးသားထားခဲ့ပါတယ်။ထူးခန့်​ကျော်ဆီကို တစ်နေ့လျှင် လာရောက်ပြသ သူအရေအတွက်ဟာ အယောက် ၉၀ နီးပါးလောက်ရှိတယ်လို့လည်း သိရှိရပါတယ်။

သတင်း အရင်းအမြစ်៖ Htoo Khant Kyaw