ရိုက်ကွင်းမှာ ပျော်ပျော်ရွှင်ရွှင် ဟာသဗီဒီယိုရိုက်ရင်း ချစ်စဖွယ်အမူအရာလေးတွေလုပ်နေကြတဲ့ ထိုင်းမင်းသားချော Naphat နဲ့ ထိုင်းမင်းသမီးချော Baifern တို့ရဲ့ ရုပ်သံဖိုင်

ထိုင်းနိုင်ငံရဲ့ ထိပ်တန်းအနုပညာရှင်တစ်ဦးဖြစ်တဲ့ Baifern Pimchanok ထိုင်းနိုင်ငံမှာရော မြန်မာနိုင်ငံမှာပါ လျှမ်းလျှမ်းတောက် အောင်မြင်နေတဲ့ ကြယ်ပွင့်လေး ဖြစ်ပါတယ် ။ တရုတ်-ထိုင်း ကပြားမင်းသမီး​လေးဖြစ်တဲ့ Baifern က ချောမောလှပပြီး ပီပြင်အသက်ဝင်လွန်းတဲ့ အနုပညာအရည်အချင်းတွေကြောင့် အခုအချိန်အထိ အောင်မြင်မှုရနေတာ ဖြစ်ပါတယ် ။ စိတ်ထားလေးပြည့်ဝပြီး အမြဲပျော်ပျော်နေတတ်တဲ့ Baifern ကတော့ အခုချိန်မှာ အသက် (၂၉)အရွယ်ရှိနေပြီဖြစ်လို့ ရင့်ကျက်တည်ငြိမ်တဲ့အလှတရားနဲ့တစ်နေ့တခြားလှသွေးကြွယ်နေတာပဲဖြစ်ပါတယ်။

Baifern ကတော့ လတ်တလောမှာဆိုရင် မင်းသားချော Naphat နဲ့ "Sroi Sabunnga" ဇာတ်ကားအတူတူရိုက်ကူးနေတာပဲဖြစ်ပါတယ်။ ဒီဇာတ်ကားကတော့ ဘယ်အချိန်စထွက်မယ်ဆိုတာကို မကြေညာရသေးသလို ဘယ်နှစ်ပိုင်းပါမယ်ဆိုတာကိုလဲ မပြောရသေးတဲ့ TV3 ရဲ့ ထိုင်းကားအသစ်စက်စက်လေး ဖြစ်ပါတယ်။ 

Baifern နဲ့ Naphat တို့နှစ်ယောက်က ဒီကားမှာမှ စတင်သရုပ်ဆောင်ဖူးတာ မဟုတ်ဘဲ "Friend Zone " ရုပ်ရှင်ဇာတ်ကားကြီးထဲက အတူတူတွဲသရုပ်ဆောင်ခဲ့ကြပြီး ထိုင်းနိုင်ငံမှာတင်မကဘဲ မြန်မာနိုင်ငံအပါအဝင် တခြားနိုင်ငံအသီးသီးမှာပါ အောင်မြင်ခဲ့တာဖြစ်ပါတယ်။

Baifern က အမြဲပျော်ပျော်နေတတ်တဲ့သူလေးဖြစ်လို့ တွေ့တဲ့သူတိုင်းကချစ်ကြပါတယ်။ အရမ်းအတွဲညီတဲ့ Baifern နဲ့ Naphat တို့နှစ်ယောက်ရဲ့ "Sroi Sabunnga" ဇာတ်ကားသစ်ကြီးကိုလည်း ပရိသတ်တွေမကြာခင်မှာ ကြည့်ရှု့ရတော့မှာဖြစ်ပါတယ်။

ရိုက်ကွင်းပေါ်မှာ ခင်မင်ရင်းနှီးပြီး နှစ်ယောက်အတူတူ ပျော်ပျော်ရွှင်ရွှင် ဟာသဗီဒီယိုရိုက်ရင်း ချစ်စဖွယ်အမူအရာလေးတွေလုပ်နေကြတဲ့ ထိုင်းမင်းသားချော Naphat နဲ့ ထိုင်းမင်းသမီးချော Baifern တို့ရဲ့ ဗီဒီယိုကို ပရိသတ်တွေအတွက် ပြန်လည်မျှဝေပေးလိုက်ပါတယ်။

Source : Baifern's Facebook Acc