ထိုင်းမင်းသမီးချောလေး YaYa Urassayaph ကို ပရိသတ်တွေကYaYa လို့ချစ်စနိုးခေါ်ဝေါ်ကြပြီး သူမရဲ့အမူအရာ၊အပြောအဆိုလေးတွေကို ချစ်နေကြတာဖြစ်ပါတယ်။ YaYaကလည်း ထိုင်း-နော်ဝေး ကပြားလူမျိုးတစ်ယောက်ဖြစ်လို့ သူမရဲ့အလှအပတွေကိုငေးမောနေရတာဖြစ်ပါတယ်။ လက်ရှိမှာ ထိုင်းနိုင်ငံ ရဲ့ နာမည်အကျော်ကြားဆုံး မင်းသမီးလေးတစ်ယောက်ဖြစ်သလို မြန်မာပရိသတ်တွေကြားမှာလဲ ရေးပန်းစားနေသူလေးပါ။
သူမက အင်္ဂလိပ်၊ ထိုင်း၊ နော်ဝေ၊ ပြင်သစ် နဲ့ စပိန်ဘာသာ စတဲ့ ဘာသာစကား မျိုးစုံ ပြောဆိုနိုင်သူပါ။ သူမကို ၁၉၉၃ ခုနှစ် မတ်လ ၁၈ ရက်နေ့ က ထိုင်းနိုင်ငံ ပတ္တရားမှာ မွေးဖွားခဲ့ပါတယ်။ သူမ ပထမ ဆုံး ပါ၀င်ရိုက်ကူးခဲ့တဲ့ ဇာတ်ကားကတော့ ၂၀၁၀ ခုနှစ်က ရိုက်ကူးခဲ့တဲ့ Duang Jai Akkanee ဆိုတဲ့ဇာတ်ကားလေးပါ။
မကြာသေးခင်ကမှ ထုတ်လွှင့်ပြသခဲ့တဲ့ "ဘဝလှိုင်းတံပိုး" ဇာတ်လမ်းတွဲကလည်း မြန်မာပရိသတ်တွေကြားမှာပါ အောင်မြင်ခဲ့တာ ဖြစ်ပါတယ်။ အားလုံးရဲ့အချစ်ခံရတဲ့ YaYa က ငယ်ငယ်ကတည်းက ချစ်ဖို့ကောင်းသူလေးဖြစ်ကြောင်း သူမရဲ့ငယ်ဘဝပုံရိပ်လေးတွေက သက်သေပြနေတာ ဖြစ်ပါတယ် ။ ဒါကြောင့် ပရိသတ်တွေအတွက် ထိုင်းမင်းသမီးချော YaYa ငယ်ငယ်ကပုံလေးတွေကို စုစည်းဖော်ပြပေးလိုက်ပါတယ်။