မနေ့က အောက်တိုဘာလ ၁၃ ရက်နေ့မှာ အဆိုတော်မေခလာက မိဘမဲ့ကလေးတွေကို ပြုစုစောင့်ရှောက်နေတဲ့ ပညာမြေကျောင်းကို တစ်နေ့စာသွားရောက် လှူဒါန်းခဲ့ကြောင်းကို သူမရဲ့ လူမှုကွန်ရက်စာမျက်နှာမှာတင်ထားပါတယ်။
ဒါ့အပြင် ကလေးငယ်လေးများကို မွေးဖွားကျွေးမွေးစောင့်ရှောက်ပေးဖို့ဆိုတာ လွယ်ကူတဲ့ ကိစ္စမဟုတ်တာကြောင့် လက်ရှိမိဘမဲ့ကလေးလေးတွေကို တာဝန်ယူစောင့်ရှောက်ပေးနေတဲ့ ပညာမြေကျောင်းမှ ဆရာတော်ဘုရားကိုလည်း သာဓုအကြိမ်ကြိမ်ခေါ်ဆိုကြောင်း ကလေးလေးတွေကို ပြုစုစောင့်ရှောက်နေတဲ့ ညီမခိုင်နှင်းဝေကိုလည်း သာဓုအကြိမ်ကြိမ်ခေါ်ဆိုကြောင်း ဆိုထားပါတယ်။
သူမလက်ရှိချီထားတဲ့ သမီးလေးဆိုရင် အသက် ၅ လပြည့်သွားပြီဖြစ်ပြီး ရောက်ခါစက ချက်ကြိုးတောင်မပြတ်သေးဘဲ တောင်ငူလမ်းပေါ်မှာ စွန့်ပစ်ထားတဲ့ ကလေးလေးဖြစ်ကြောင်းပြောထားပါတယ်။ ကျောင်းမှာ သန့်ရှင်းရေးလုပ်နေကြလို့ အခြားကလေးလေးတွေကိုလည်း မတွေ့ရဘူးလို့ဆိုပါတယ်။ အဆိုတော် မေခလာ သွားရောက်လှူဒါန်းခဲ့တဲ့ ပညာမြေကျောင်းမှ ပုံရိပ်လေးများကို ဝင်ရောက် ကြည့်ရှုသွားလိုက်ကြပါဦးနော်။
အခြားသူတွေလည်း သွားရောက် လှူဒါန်းနိုင်ဖို့အတွက် သူမလှူဒါန်းခဲ့တဲ့ ပညာမြေကျောင်းရဲ့ လိပ်စာလေးကိုလည်း အခုလိုပဲရေးတင်ထားပါတယ်။ ပညာမြေကျောင်း ၊ ပုလဲမြို့သစ်၊ သင်္ကန်းကျွန်းကြီး ၊၀၉၂၆၀၀၈၇၇၈၈၊ ၀၉၄၂၀၀၃၈၁၂၁ ဖြစ်လို့ သွားရောက်လှူဒါန်းလိုသူတွေရှိရင်လည်း ဆရာတော်ဘုရားထံ တိုက်ရိုက်ဆက်သွယ်လှူဒါန်းနိုင်ပါတယ်။
