Idiots လို့ပြောလိုက်တာနဲ့ သီချင်းကောင်းတွေနဲ့ အရွယ်အတန်းအစားမရွေးတဲ့ ပရိတ်သတ်တွေကြား ရေပန်းစားအောင်မြင်ကျော်ကြားတဲ့ Band အဖြစ် အားလုံးကသိကြပါတယ်။အထူးသဖြင့် Band ရဲ့ အဆိုတော်ဖြစ်တဲ့ ရေမွန် ကတော့ လူကြီးလူငယ်မရွေး ယောကျာ်းမိန်းမမရွေး ပရိတ်သတ်များစွာက ချစ်ခင်အားပေးကြတဲ့ နိုင်ငံကျော်တေးသံရှင် ဖြစ်ပါတယ်။

ရေမွန်ဟာ တေးသီချင်းများရေးသားခြင်း၊တေးသီချင်းများသီဆိုခြင်း အစရှိတဲ့ အနုပညာလုပ်ငန်းများကို လုပ်ကိုင်ခဲ့တာဖြစ်ပါတယ်။သူ့ရဲ့ သီချင်းတချို့ဖြစ်တဲ့ "တခန်းရပ်၊ဆုလာဘ်၊ဘာလိုနေသေးလဲ၊ဝမ်းနည်းတတ်တဲ့ချစ်သူ၊ချန်ခဲ့" အစရှိတဲ့သီချင်းတွေဟာလည်းပရိတ်သတ်ကြား ရေပန်းစားအောင်မြင်ခဲ့တဲ့ သီချင်းတွေပဲဖြစ်ပါတယ်။

ပရိတ်သတ်အချစ်တော် ကိုရေမွန်ဟာ လွန်ခဲ့တဲ့(၃)လကျော်က နာမကျန်းဖြစ်ကာ ကွယ်လွန်ခဲ့ပါတယ်။သူ့ရဲ့ မိသားစုဝင်များနှင့်တစ်နိုင်ငံလုံးမှ ပရိတ်သတ်များအားလုံးက အရမ်းကိုနှမြောတသဖြစ်ခဲ့ရပါတယ်။ယမန်နေ့ အောက်တိုဘာ(၅)ရက်က သူ့မိခင် အန်တီခင်မြတ်မွန်ကလည်း ရေမွန့်ကို အိမ်မက်မက်ကြောင်းကို ဝမ်းနည်းစွာပြောပြလာပါတယ်။သူမဟာ သားဖြစ်သူကိုအရမ်းလွမ်းဆွတ်သတိရကြောင်း၊သားဖြစ်သူ ကိုတွတ်ပီတစ်ယောက် ရောက်ရာဘဝမှာအဆင်ပြေနေရဲ့လားစိတ်ပူကြောင်းကိုလည်းဖော်ပြရေးသားထားပါသေးတယ်။ကိုရေမွန် ဟာ ကောင်းရာမွန်ရာရောက်မှာဖြစ်လို့ တီတီခင်မြတ်မွန်လည်း စိတ်သောကတွေအမြန်ဆုံးပြေပျောက်နိုင်ပါစေလို့ ဆုတောင်းပေးလိုက်ရပါတယ်။