ပရဟိတအလုပ်တွေနဲ့ ပရိသတ်တွေရဲ့ လေးစားချစ်ခင်မှုတွေကို များစွာရရှိထားတဲ့ ခိုင်နှင်းဝေကတော့ လှူဒါန်းမှုတွေကိုလည်း ဆက်တိုက်ပြုလုပ်နေသူပဲ ဖြစ်ပါတယ်။ ခိုင်နှင်း‌ဝေဟာ လတ်တလောပြည်သူတွေကြုံတွေ့နေရတဲ့ အောက်ဆီဂျင်အခက်အခဲတွေ၊ စား၀တ်နေရေးအခက်အခဲတွေနဲ့ ရေဘေးသင့်အခက်အခဲတွေကိုပါ စိတ်အားတက်ကြွစွာနဲ့ပါ၀င် ကူညီပေးနေတဲ့အပြင် မိဘမဲ့ဂေဟာကိုလည်းဦးစီးကာ ရင်ခွင်မဲ့ ကလေးလေးတွေအတွက် မိဘပမာစောင့်ရှောက်ပေးနေတာဖြစ်ပါတယ်။

ခိုင်နှင်းဝေရဲ့ မိဘမဲ့ဂေဟာလေးဟာ တဖြည်းဖြည်းနဲ့ ကလေးလေးတွေများလာနေပြီး စွန့်ပစ်ခံထားရတဲ့ကလေးလေးတွေကို ကိုယ်တိုင်ခေါ်ယူမွေးစားကာ အစားအသောက်၊ အနေအထိုင်၊ အ၀တ်အစားတွေကအစ ဂရုတစိုက်နဲ့ ပြုစုစောင့်ရှောက်မှုပေးနေတဲ့ ဂေဟာလေးဖြစ်ပါတယ် ။ ကလေးငယ်လေးတွေဟာလည်း အရမ်းလိမ္မာကြပြီး ခိုင်နှင်းဝေကလည်း ကလေးတစ်ယောက်စီတိုင်းကို မိခင်အရင်းပမာ ဂရုစိုက်ကြင်နာတဲ့သူဖြစ်ပါတယ်။

ခိုင်နှင်းဝေဟာ မကြာခဏဆိုသလိုလည်း ကလေးငယ်လေးတွေရဲ့ချစ်စရာပုံရိပ်လေးတွေနဲ့ ဗီဒီယိုလေးတွေကို ဝေမျှပေးလေ့ရှိသူပါ။ အခုအခါမှာဆိုရင်လည်း ကလေးငယ်လေးတွေဟာ အင်္ကျီသစ်လေးတွေ၀တ်ကြရင်း ပျော်ရွှင်နေကြတာကို ခိုင်နှင်းဝေက သူမရဲ့ Facebookစာမျက်နှာမှာ မျှဝေလာခဲ့တာဖြစ်ပါတယ် ။

သတင်း အရင်းအမြစ်៖ Khine Hnin Wai's Facebook acc