လတ်တလောကပ်ရောဂါကြီးရဲ့ ရိုက်ခတ်မှုမှာ အောက်ဆီဂျင်အိုးတွေဟာ အတော်လေး အရေးကြီးပါတယ်။ ခိုင်သင်းကြည်တို့မိသားစုဟာ Covid ရောဂါဆိုးကြီးရဲ့ နှိပ်စက်မှုကို ခံစားနေရတဲ့လူနာတွေအတွက်ရည်ရွယ်ပြီး အောက်ဆီဂျင်နှစ်အိုးကို ခိုင်နှင်းဝေပရဟိတထံမှာ လှူဒါန်းပေးခဲ့ပါတယ်။ တော်လှန်ရေးမှာလည်း တတ်နိုင်တဲ့ဖက်က ပါဝင်ကူညီပေးခဲ့သလို အနုပညာမောင်နှမတွေ အကျပ်အတည်းဖြစ်ချိန်မှာလည်း ဝမ်းနည်းကြောင်းနဲ့ အားမငယ်စေဖို့ စာလေးတွေမကြာခဏဆိုသလို ရေးသားခဲ့ပါတယ်။

ဒီလိုကာလမှာတတ်စွမ်းသလောက်အလှူလေးတွေလုပ်ရင်း အားလုံးအသိပညာတိုးပွားစေဖို့ ကျန်းမာရေးဗဟုသုတတွေကိုလည်း အမြဲတမ်းဝေမျှပေးခဲ့ပါသေးတယ်။ လုပ်ငန်းတွေအားလုံး ရပ်နားလိုက်ရပေမယ့် အလှူဒါနတွေကိုတော့ မရပ်နားဘဲ တတ်အားသ၍ အမြဲတမ်းပါဝင်ပေးနေခဲ့ပါတယ်။ ပရိသတ်တွေကိုရသပေါင်းစုံပေးခဲ့တဲ့ မင်းသမီးလေးဟာ လက်ရှိအကျပ်အတည်းကာလမှာလည်း တတ်နိုင်သလောက်ကူညီပေးနေဆဲပါပဲ။

ဘာမှမလုပ်နိုင်တဲ့အခြေအနေမှာ အလှူဒါနလေးလုပ်ပေးတာဟာလည်း လိုအပ်သူတွေအတွက် အထောက်အပံ့ဖြစ်စေနိုင်ပါတယ်။ အသက်တစ်ရှိုက်စာအတွက် သက်တောင့်သက်သာဖြစ်စေဖို့ အောက်ဆီဂျင်လှူဒါန်းပေးတာဟာလည်း တကယ်ကိုမွန်မြတ်တဲ့ဒါနပါပဲ။ စေတနာသန့်သန့်နဲ့ ကူညီပေးခဲ့တဲ့ သူမရဲ့အလှူဒါနအတွက် ပရိသတ်တွေကလည်း ကျေးဇူးတင်ကြောင်းနဲ့ မုဒိတာပွားကြောင်းကို သာဓုခေါ်ဆိုပေးခဲ့ကြပါတယ်။

သတင်း အရင်းအမြစ်៖ Khine Thin Kyi's FB Acc