စွန့်ပစ်ခံရင်သွေးငယ်လေးတစ်ယောက်ဖြစ်တဲ့ အာကြီးဟာ မေမေခိုင်နှင်းဝေရဲ့မေတ္တာရိပ်မှာ အတော်လေးအေးချမ်းလုံခြုံနေခဲ့ပါပြီ။ ကိုယ်ဝန်ဆောင်ကာလမှာ သန္ဓေသားထိခိုက်မှုတွေရှိခဲ့တာကြောင့် နှုတ်ခမ်းခွဲစိတ်မှုပြုလုပ်ဖို့လိုနေတဲ့ ဒီကလေးလေးကို မေမေခိုင်နှင်းဝေက တာဝန်ယူပြီးခွဲစိတ်ပေးမှာမို့ ခွဲစိတ်မှုဒဏ်ကို ကလေးအပြည့်အဝခံနိုင်အောင် မေမေခိုင်နှင်းဝေက အားပြည့်မယ့်အစားအသောက်တွေ ကျွေးပြီး သေချာဂရုစိုက်ပေးနေခဲ့ပါတယ်။ စောင့်ရှောက်ထားတဲ့ သားသမီးတစ်ယောက်ချင်းစီကို အသေးစိတ်ဂရုစိုက်ပြီး ကလေးတွေရဲ့ အစစအရာရာကို အပြည့်အဝတာဝန်ယူထားတဲ့ မေမေ့ရဲ့တာဝန်ကလည်း မလွယ်လှပါဘူး။

မလွယ်တဲ့အလုပ်ကိုမှ မေတ္တာစိတ်၊ စာနာစိတ်တွေနဲ့ ကြိုးစားလုပ်ကိုင်နေခဲ့ပြီး နောက်ထပ်လည်း အကူအညီလိုအပ်နေတဲ့ ရင်ခွင်မဲ့ကလေးငယ်တွေအများကြီးကို ထပ်မံစောင့်ရှောက်နိုင်အောင် ဂေဟာအကြီးကြီးတည်ဆောက်နေခဲ့တာ ပြီးလုဆဲဆဲဖြစ်နေခဲ့ပါပြီ။ ကလေးတွေကိုသာမက အဆင်မပြေတဲ့ အိမ်ထောင်စုတွေအတွက်လည်း ကူညီပေးသလို လိုအပ်တဲ့နေရာတိုင်းမှာလည်း အလှူတွေမကြာခဏဆိုသလို လုပ်တတ်ပါသေးတယ်။ စိတ်ထားကောင်းပြီး ကူညီတတ်တဲ့ မင်းသမီးလေးမို့ အလှူရှင်တွေဟာလည်း သူမကိုယုံကြည်ပြီး အများအပြားလှူဒါန်းပေးကြပါတယ်။

အလှူရှင်တွေရဲ့စုပေါင်းသဒ္ဓါအားနဲ့ အကူအညီလိုသူတိုင်းကို ဖေးမတတ်သူလည်းဖြစ်ပါတယ်။ ဒီနေ့မှာလည်း ဂေဟာမှာ ချစ်ရတဲ့သားလေးအာကြီးတစ်ယောက် မေမေ့ကိုကြည့်ပြီး ပြုံးပျော်နေတဲ့ပုံလေးတွေကို မြတ်နိုးစိတ်နဲ့ သူမရဲ့လူမှုကွန်ယက်မှာဝေမျှလာခဲ့ပါတယ်။ မေတ္တာပေးလို့ မေတ္တာပြန်ရတယ်ဆိုတဲ့ စကားလေးဟာ ဒီပုံလေးတွေကိုရည်ညွှန်းနေသလိုပါပဲ။ အသေအချာလေးပြုစုစောင့်ရှောက်ခဲ့တာမို့ ကလေးရဲ့စိတ်ထဲမှာ အေးချမ်းလုံခြုံပြီး ပျော်ရွှင်နေပုံလေးက ချစ်စရာကောင်းလွန်းပါတယ်။

သတင်း အရင်းအမြစ်៖ Khine Hnin Wai's FB Acc