အကြောင်းအမျိုးမျိုးကြောင့် အောက်ဆီဂျင်ပြတ်လပ်ပြီး သေဆုံးသွားတာတွေ မရှိရလေအောင် အလှူရှင်များကတတ်နိုင်တဲ့ ဘက်ကနေ ကြိုးစားပေးနေကြတာ ဖြစ်ပါတယ်။ အောက်ဆီဂျင် စက်ရုံများတည်ဆောက်ဖို့လည်းပြင်ဆင်နေကြပြီး ပြည်ပမှ ဝယ်ယူထားတဲ့ အောက်ဆီဂျင်အိုးတွေကို မြန်မာနိုင်ငံသို့ အချိန်တိုအတွင်း ရောက်ရှိနိုင်အောင် ဝိုင်းဝန်းကူညီ ဆောင်ရွက်ပေးနေကြတာကို အားရဖွယ် မြင်တွေ့ကြရမှာပါ။ သရုပ်ဆောင် ခိုင်နှင်းဝေကလည်း ပြည်သူတွေ မရှိမဖြစ် လိုအပ်နေတဲ့ အောက်ဆီဂျင်အိုးတွေကိုခုနှစ်ရက်သားသမီးများ စုပေါင်းလှူဒါန်းထားတဲ့ ငွေများဖြင့် လိုအပ်တဲ့နေရာတွေကို ကိုယ်တိုင်သွားရောက် လှူပေးနေတာ ဖြစ်ပါတယ်။



လှူဒါန်းမှုအစုစုကိုလည်း ပရိသတ်တွေကို သာဓုခေါ်ဆိုနိုင်စေရန် ဝေမျှပေးနေတာလည်း ဖြစ်ပါတယ်။ မကြာသေးခင် နာရီပိုင်းလောက်ကလည်း ခိုင်နှင်းဝေရဲ့ Facebook Page တွင် အောက်ဆီဂျင်ပစ္စည်းဖိုး သိန်း(၂၀၀) ခန့် လှူဒါန်းထားတဲ့ ပုံရိပ်တွေကို တင်ပေးထားတာ ဖြစ်ပါတယ်။ သူမကလည်း " ရှိတဲ့ အောက်ဆီဂျင်အိုးတွေတော့ အကုန် လှူပေးပြီးသွားပါပြီရှင်.ဒီ တစ်ခေါက် မရလိုက်တဲ့ လူတွေကိုလည်း အရမ်း စိတ်မကောင်းဖြစ်ရပါတယ်..ပစ္စည်းတွေရသလောက်ကိုလည်း ထပ်မှာထားပါတယ်..ဒီ တစ်ခေါက် ပစ္စည်းဖိုး သိန်း (၂၀၀) ဝန်းကျင်ခန့်ကို ခုနှစ်ရက်သားသမီး စုပေါင်း ကုသိုလ် အဖြစ် လှူဒါန်းပေးနိုင်ခဲ့ပါတယ်..ဤသို့ စုပေါင်း ၍ အသက်ကယ် အောက်ဆီဂျင်များလှူဒါန်းရသော ကုသိုလ်တို့ကြောင့် ကပ်ကြီး (၃)ပါးမှ လူတိုင်း ကျော်လွှားနိုင်ကြ၍ သံသရာ အထောက် အပံ့ကောင်းများ ဖြစ်ကြပါစေရှင်..???…" ဆိုပြီး ဆုတောင်းပေးထားတာလည်း ဖြစ်ပါတယ်။



မနေ့ညကလည်း အောက်ဆီဂျင်အတွက် နောက်ထပ် သိန်း (၅၀၀) လှူဒါန်းမှာ ဖြစ်တဲ့အတွက် ပစ္စည်းအမြန်ဆုံးရရှိပြီး အမြန်ဝယ်လို့ရမယ့် နေရာတွေကို သိတဲ့မိတ်ဆွေများ ကူညီပေးကြဖို့ကို သူမရဲ့ လူမှုကွန်ယက်တွင် ရေးသားထားတာ ဖြစ်ပါတယ်။ ဈေးနှုန်းဘယ်လောက်ပဲ ဖြစ်ဖြစ် အရေးမကြီးဘဲ ပစ္စည်းအမြန်ရဖို့သာ အဓိကဖြစ်ကြောင်းကိုလည်း ရေးထားပါသေးတယ်။ ပရိသတ်တွေကလည်း သူတို့သိသမျှ သတင်းအချက်အလက်များအား comment များတွင် ရေးထားကြတာကိုလည်း မြင်တွေ့ရပါတယ်။ ပြည်သူတွေအားလုံးလည်း ဘေးအန္တရာယ် ကင်းရှင်းကြပါစေလို့ ဆုတောင်းပေးရင်း ဒီသတင်းကို တင်ဆက်ပေးလိုက် ရပါတယ်။
Source and Photo Crd-Khine Hnin Wai’s Facebook Page



