အမှန်တရားဘက်က ရပ်တည်ရင်း အသက်ပေးလိုက်ရတဲ့ ညီလေးစည်သူရှိန်ရဲ့နာရေးကို လိုက်လံပို့ဆောင်ပေးပြီး စိတ်မကောင်းဖြစ်နေတဲ့ ဇေယျ

ပြည်သူတွေကတော့ နွေဦးတော်လှန်ရေးမှာ အားမာန်အပြည့်နဲ့ ပါဝင်လုပ်ဆောင်နေကြတာပဲဖြစ်ပြီး လူထုလှုပ်ရှားမှုတွေ ပြုလုပ်ရင်း ထိခိုက်ဒဏ်ရာရရှိသူတွေ များစွာရှိနေခဲ့ပါတယ်။ နိုင်ငံအတွက် အုတ်တစ်ချပ်သဲတစ်ပွင့်ပါဝင်ကြရင်း အသက်ပေးခဲ့ရတဲ့ သူရဲကောင်းတွေလည်းရှိနေခဲ့ပြီး ပြည်သူတွေကတော့ ဆုံးပါးသွားသူတွေအတွက် ကြိုးစားရှာဖွေထားတဲ့ ပိုက်ဆံတွေကို လှူဒါန်းနေကြပါတယ်။နွေဦးတော်လှန်ရေးကို နာမည်ကြီးအနုပညာရှင်တွေကပါ ပြည်သူတွေနဲ့တစ်သားတည်းရပ်တည်ပြီး တက်တက်ကြွကြွပါဝင်လုပ်ဆောင်နေကြတာဖြစ်ပါတယ်။

သရုပ်ဆောင်ဇေယျကတော့ အမှန်တရားဘက်ကနေ ပြည်သူလူထုနဲ့အတူ ရပ်တည်လျက်ရှိပြီး လိုအပ်တဲ့နေရာတွေမှာလည်း တစ်ထောင့်တစ်နေရာကနေ ပါဝင်ကူညီအားဖြည့်ပေးနေတာဖြစ်ပါတယ်။သူကတော့ အသက်ပေးခဲ့ရတဲ့ သူရဲကောင်းတွေအတွက် စိတ်မကောင်းဖြစ်မိ​ကြောင်း လူမှုကွန်ယက်စာမျက်နှာထက်မှာ ရေးသားထားခဲ့သေးတာပဲဖြစ်ပါတယ်။ဇေယျကတော့ မြောက်ဥက္ကလာမှာ ကျဆုံး‌သွားခဲ့ရတဲ့ ညီလေးစည်သူရှိန်ရဲ့နာရေးကို လိုက်ပါပို့ဆောင်ပေးရင်း  စိတ်မကောင်းဖြစ်နေခဲ့ပါတယ်။

ဇေယျကတော့ " မြောက်ဥက္ကလာမှာ ကျဆုံး‌သွားသောအာဇာနည် ညီလေးစည်သူရှိန် (ခ)မြတ်သူရှိန် အသက်(၁၈)နှစ် ရဲ့နာရေးကို လိုက်ပါပို့ဆောင်ပေးခဲ့ပါတယ်မိသားစုနှင့် ထပ်တူ၀မ်းနည်းရပါတယ် ကောင်းရာသုဂတိလားပါစေညီလေး " ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ နိုင်ငံအတွက် အသက်ပေးလိုက်ရတဲ့ ညီလေးစည်သူရှိန်ရဲ့နာရေးကို လိုက်ပါပို့ဆောင်ပေးခဲ့တဲ့ ဇေယျရဲ့ ပုံရိပ်လေးတွေကို  ပြန်လည်ဖော်ပြပေးလိုက်ရပါတယ်။

Source :zay ya thein ' s Facebook Acc