ဘိုမရုပ်လေးလို ချစ်စရာကောင်းတဲ့ တူမလေးရဲ့ မွေးနေ့မှာ ငယ်ဘဝပုံရိပ်လေးတွေနဲ့အတူ ဆုတောင်းပေးလာတဲ့ ရီရီပွင့်ဖြူ

ပရိသတ်တွေ တစ်ချိန်က သည်းသည်းလှုပ် အားပေးဝန်းရံကြတဲ့ သရုပ်ဆောင် မင်းသမီးချောလေး ရီရီပွင့်ဖြူကတော့ သူမရဲ့ တူမလေးကို ထုတ်ကြွားလိုက်ပါပြီ။ ရီရီက အနုပညာလှုပ်ရှားမှုတွေ မလုပ်ဖြစ်တော့ပေမယ့် သူမရဲ့ ချစ်သူလေး စိန်ဖြိုးနဲ့အတူ Blogလေးရိုက်ကူးရင်း ပရိသတ်အားပေးမှုကို ယနေ့တိုင်ရရှိနေဆဲပါ။ ချစ်သူသက်တမ်းအတော်ကြာပြီဖြစ်တဲ့ သူတို့နှစ်ဦးက လူမှုကွန်ယက်ထက်မှာ Romantic ဆန်တဲ့ ပုံလေးတွေကို ဝေမျှလေ့ရှိတာပါ။

ရီရီက သူမရဲ့ လှုပ်ရှားမှုလေးတွေကိုလည်း လူမှုကွန်ယက်ထက်မှာ ဝေမျှလေ့ရှိတာဖြစ်ပြီး ယနေ့မှာလည်း ပိုစ့်တစ်ခု တင်ပေးလာခဲ့ပါတယ်။ ဒါကတော့ " Happy Birthday အသဲတုံး​လေး တဦးတည်း​သော တူမ​လေး မထင်မှတ်ဘဲ ကိုယ်နဲ့လာတူ​နေတယ် သူ​မွေး​တော့ ကိုယ်က ၇တန်း​ကျောင်းသူ လွတ်လပ်​ရေး​နေ့ကြီး ​လျှောက်​ဆော့​နေတုန်း နင့်အမဘိုက်နာလို့ ​ဆေးရုံသွားပြီ .. ဖိုးခန့်(အကြီး​ကောင်) ထိန်းထားဦးဆိုလို့..က​လေးထိန်းပြီး အိမ်မှာ​နေခဲ့ရတယ် ​

ဆေးရုံကပြန်လာတဲ့သူရှိတိုင်း တူမ​လေးက ​ချောရဲ့လား နှာ​ခေါင်းပြား​နေလား နှာဖူး​က​ပြောင်​နေလား ​မေးရတာအ​မော ကိုယ်တိုင်​​တွေ့ရမှ ​အော်.. ​ချောသားပဲ ဆိုပြီး စိတ်​အေးရတယ် တူ တူမ ဆိုတာကလည်း ငယ်တုန်း​တော့ အ​ဒေါ်ကချစ်လိုက်ရတာ ကြီးလာ​တော့လည်း ​ပြောမ​ကောင်း ဆိုမ​ကောင်း ခု​တော့ ရန်ဖြစ်လိုက် ပြန်ချစ်လိုက်ပဲ.." ဆိုတဲ့ မွေးနေ့ဆုတောင်း စာသားလေးနဲ့အတူ ဘိုမရုပ်လေးလို ချစ်စရာကောင်းတဲ့ တူမလေးနဲ့ ငယ်ဘဝပုံရိပ်လေးတွေကို ဝေမျှလာ​တာဖြစ်လို့ ပြန်လည်တင်ဆက်ပေးလိုက်ပါတယ်။

သတင်း အရင်းအမြစ်៖ Source - Yi Yi Pwint Phyu's Facebook Account