နှစ်သစ်မှာ အိမ်ကမြတ်စွာဘုရားကို ပန်းပလ္လင်နဲ့ကိုယ်တိုင်ပူဇော်ချင်လို့ တစ်ညလုံးမအိပ်ဘဲ အပင်ပန်းခံခဲ့တဲ့ ပိုးအိအိခန့်ရဲ့ဗီဒီယို

မင်းသမီးချောလေး ပိုးအိအိခန့်ကတော့ မြန်မာ့ဂုဏ်ဆောင်ဘောလုံးသမား အောင်သူနဲ့လက်ထပ်ပြီး သားလေးတစ်ယောက် ပိုင်ဆိုင်ခဲ့ရတာ ဖြစ်ပါတယ် ။ ကလေးမေမေဖြစ်သွားပြီဖြစ်တဲ့ ပိုးအိအိခန့်က အိမ်ထောင်ရှင်မကောင်းတစ်ယောက်အဖြစ် မိသားစုအပေါ်မှာ တာဝန်ကျေပွန်နေတာပဲ ဖြစ်ပါတယ် ။ ပိုးအိအိခန့်က သူမချစ်ရတဲ့ခင်ပွန်းနဲ့သားလေးကို အရမ်းဂရုစိုက်တတ်သလို သူမရဲ့မိသားစုဘဝလေးကို သာယာပျော်ရွှင်ဖွယ်ကောင်းအောင် တည်ဆောက်နေတာလည်း ဖြစ်ပါတယ် ။

အေးအေးချမ်းချမ်းနေထိုင်တတ်တဲ့ ပိုးအိအိခန့်ကတော့ ဘာသာရေးကိုင်းရှိုင်းပြီး ဘုရားတရားလိုက်စားသူလေးလည်း ဖြစ်ပါတယ် ။ ဒါကြောင့် ပိုးအိအိခန့်က အခုလည်း နှစ်သစ်မှာ အိမ်ကမြတ်စွာဘုရားကို ပန်းပလ္လင်နဲ့ပူဇော်နိုင်ဖို့ တစ်ညလုံးအပင်ပန်းခံပြီး ပန်းထိုးခဲ့တာ ဖြစ်ပါတယ် ။ ဒီအကြောင်းကို ပိုးအိအိခန့်က "ကျွန်မရဲ့ New Year (2021) ကို ကြိုဆိုပုံ(၂၀၂၁)ကို တစ်ခါမှမလုပ်ဖူးတဲ့ ကောင်းမှု ကုသိုလ်တစ်ခုနဲ့ ဖြတ်သန်းချင်လို့ အိမ်က မြတ်စွာဘုရားကို ပန်းပလ္လင်နဲ့ ပူဇော်ဖို့ ည(၈)နာရီထဲက စထိုးကြတာ အခုမနက် (၃) နာရီခွဲမှ ပြီးသွားတယ်"

"ဒီလိုမျိုးလည်း တစ်ခါမှ မထိုးဖူးဘူး ဆရာမကြီးလည်း မဟုတ်လို့ အရမ်း သပ်သပ်ရပ်ရပ်ကြီး မဟုတ်ပေမယ့် ပုံလေးပေါ်လာလို့ ဝမ်းလည်းဝမ်းသာတယ် ကြည်လည်း ကြည်နူးရတယ် ဝယ်လာတဲ့ ပန်း ၊ ဝယ်လာတဲ့ ဖော့တုံး အားလုံး ကွက်တိ ဖြစ်တာလည်း ဝမ်းသာခြင်းတစ်မျိုးပဲ မြတ်စွာဘုရားကိုကပ်ချင်တဲ့ စေတနာသဒ္ဒါလေးနဲ့မို့ မကြီးရေ L Mon Soo သမီးတို့နှစ်ယောက် ဒီလိုပုံလေး ဖြစ်လာတာတောင် ကျေးဇူးတင်ရမယ်နော် မကြီးကိုလည်းကျေးဇူးတင်တယ်နော် ဝိုင်းကူစဉ်းစားပြီး အတူတူကူထိုးပေးတာ မကြီးအကူအညီမပါရင်လည်း ဒီလိုမျိုး ဖြစ်မလာဘူးဆရာကြီးကို အားကိုးရတာတွေလည်းအများကြီးပါ " ဆိုပြီး ပြောပြထားတာ ဖြစ်ပါတယ် ။ ကဲ အိမ်ကဘုရားကို ပန်းပလ္လင်နဲ့ပူဇော်လိုက်တဲ့ ပိုးအိအိခန့်ရဲ့ပုံလေးတွေနဲ့ ဗီဒီယိုလေးကို ပြန်လည်မျှဝေပေးလိုက်ပါတယ်နော် ။

Source & Video Credit-Poe Ei Ei Khant's FB Acc