ပရိသတ်ကြီးရေ သရုပ်ဆောင်တစ်ယောက်အပြင် ရုပ်ရှင်ဒါရိုက်တာအနေနဲ့ပါ အနုပညာလောကမှာ အောင်မြင်နေတဲ့ သူကတော့ ဝိုင်းပဲဖြစ်ပါတယ်။ ဝိုင်းကတော့ ရုပ်ရှင်ဇာတ်ကားများစွားကို ရိုက်ထားပြီး အကယ်ဒမီဆုတွေကို ရရှိထားခဲ့တဲ့ ဇာတ်ကားကောင်းတွေပဲ ဖြစ်ပါတယ်။ လက်ရှိမှာလည်း ဝိုင်းက ဇာတ်ကားကောင်းတွေကိုပဲ ဆက်တိုက်ရိုက်ကူးနေပြီး အကောင်းဆုံးကြိုးစား လျှောက်လှမ်းနေတာ ဖြစ်ပါတယ်။

ဒါ့အပြင် ဝိုင်းက သာယာပျော်ရွှင်တဲ့ အိမ်ထောင်ရေးကို တည်ဆောက်ထားပြီး ချစ်စရာသားလေးနဲ့ သမီးလေးတို့ကိုလည်း ပိုင်ဆိုင်ထားတာ ဖြစ်ပါတယ်။ ယနေ့မှာတော့ ဝိုင်းတို့ဇနီးမောင်နှံရဲ့ မင်္ဂလာသက်တမ်း (၅)နှစ်ပြည့်နေ့လေးကို ကျရောက်ခဲ့ပါတယ်။ သူ့ရဲ့ မင်္ဂလာရှိတဲ့နေ့လေးမှာတော့ ချစ်တဲ့သူတွေက ဆုမွန်ကောင်းစကားတွေ ချီးမြှောက်ကြတာကိုလည်း တွေ့ရပါတယ်။

ဝိုင်းက သူ့ရဲ့ လူမှုကွန်ယက်မှာလည်း"အမှတ်တရ..ရှိတဲ့ဒီ​နေ့​လေးမှာ...ကိုယ့်ကိုယ်ကိုယ်သတိ​ပေးမိတာက...​ရှေ့ဆက်ရမယ့်​နေ့ရက်တိုင်းမှာ...​လောဘ..​ဒေါသ..​မောဟနည်းနိုင်သမျှနည်း​အောင်ကြိုးစားရ​မယ်...လို့...​ပေါ့​လေ"ဆိုပြီးရေးသားထားပါတယ်။ အံ့သြစရာကောင်းတာကတော့ မင်္ဂလာသက်တမ်း (၅)နှစ်ပြည့်နေ့မှာတော့ သားလေး တူးတူးရဲ့ အသက် ၄ နှစ်ပြည့်တဲ့နေ့အပြင် ဝိုင်းရဲ့ အသက် ၄၇ နှစ်ပြည့်တဲ့ မွေးနေ့လေးကို တိုက်ဆိုင်စွာ ကျရောက်ခဲ့တာ ဖြစ်ပါတယ်။ ပရိသတ်တွေလည်း မင်္ဂလာရှိတဲ့ နေ့လေးကိုကျရောက်ခဲ့တဲ့ ဒါရိုက်တာဝိုင်းတို့ မိသားစုလေးကို ဆုမွန်ကောင်းလေးတောင်းပေးလိုက်ပါဦးနော်။

သတင်း အရင်းအမြစ်៖ Source - Wyne fb account