မင်းသားချောညီနန္ဒကတော့ ကျရာဇာတ်ရုပ်ကို ပီပြင်ပိုင်နိုင်စွာသရုပ်ဆောင်ပြီး ဇာတ်ကားတွေအများအပြားမှာ ဇာတ်ပို့သရုပ်ဆောင်တစ်ယောက်အဖြစ်ပါဝင်တာဖြစ်ပါတယ်။ညီနန္ဒက ဇာတ်လမ်းတွဲတွေမှာလည်း ပါဝင်သရုပ်ဆောင်ထားတာဖြစ်လို့ ပရိသတ်တွေက TVမှာလွှင့်တိုင်း အမြဲစောင့်ကြည့်ပြီး အားပေးခဲ့ရတာဖြစ်ပါတယ်နော်။ညီနန္ဒကတော့ အနုပညာအလုပ်တွေနားထားရတဲ့အချိန်မှာ သူကျွမ်းကျင်တဲ့ထောပတ်ထမင်းကို စေတနာပါပါချက်ပြုတ်ပြီး ဈေးသက်သာစွာနဲ့ရောင်းချနေတာဖြစ်ပါတယ်။

ညီနန္ဒရဲ့ထောပတ်ထမင်းကို အမြို့မြို့အနယ်နယ်က အော်ဒါမှာကြပြီး နိုင်ငံခြားမှလည်း အော်ဒါတင်ကာ အလှူအတန်းတွေလုပ်နေကြတာဖြစ်ပါတယ်။ညီနန္ဒကလည်း နိုင်ငံခြားကမှာကြတဲ့Customersတွေအတွက် သူတို့လှူခိုင်းတဲ့နေရာမှာ ကိုယ်တိုင်သွားလှူပေးတာဖြစ်ပါတယ်နော်။ညီနန္ဒကတော့ ခင်မင်ရင်းနှီးရတဲ့ အနုပညာရှင်တွေကိုလည်း တစ်ယောက်တစ်လှည့်စီ ထောပတ်ထမင်းသွားပို့ပြီး အမြဲဂါရဝပြုနေတဲ့သူဖြစ်လို့ စိတ်ထားလေးကလေးစားဖို့ကောင်းပါတယ်။ 

အခုဆိုရင်လည်း ညီနန္ဒက အကယ်ဒမီမင်းသားကြီး‌ရဲအောင်ရဲ့အိမ်ကို ကိုယ်တိုင်သွားပြီး ထောပတ်ထမင်းနဲ့ဂါရဝပြုခဲ့တာဖြစ်ပါတယ်။ရဲအောင်ကလည်း ထောပတ်ထမင်းလာပို့ပေးတဲ့ညီနန္ဒကို လက်ဆောင်ပစ္စည်းတွေပြန်ပေးလိုက်တာဖြစ်ပါတယ်နော်။ညီနန္ဒကတော့"ထောပတ်ထမင်းသည်ကြီး ထပ်ဆင့်ထောတဲ့​နေ့...ဒီနေ့ (၁၅.၁၂.၂၀) မှာ "'ကိုနန္ဒထောပတ်ထမင်း"' ဂါရဝပြုဖို့အလှည့်ကျသူက​တော့ အခုချိန်ထိအမြဲနုပျိုလန်းဆန်းပြီး ကျွန်​တော်​လေးစားချစ်ခင်ရတဲ့ ကိုရဲအောင်ပါ ခင်ဗျာ...ကျွန်​တော့်အတွက်လက်​ဆောင်​တွေအများကြီးပြန်​ပေးလိုက်လို့ ကျေးဇူးအများကြီးတင်ပြီး အရမ်းလည်း​​ပျော်ရပါတယ် ခင်ဗျာ..."ဆိုပြီး သူ့ရဲ့ပီတိလေးကို ရေးသားမျှဝေလာတာဖြစ်ပါတယ်။

Source&Photo Credit:Nyi Nanda's Facebook Account