အပြုံးချိုချိုလေးနဲ့ ပရိသတ်တွေရဲ့ ချစ်ခင်အားပေးမှုကို အခိုင်အမာရယူထားနိုင်ခဲ့တဲ့ အိန်ဂျယ်လမုန်ကတော့ ချစ်စရာကောင်းလွန်းတဲ့ ပုံစံလေးနဲ့ လှပနေတဲ့ပုံရိပ်လေးတွေကို လူမှုကွန်ယက်မျက်နှာထက်တင်ပေးလေ့ရှိသူလေးပဲဖြစ်ပါတယ်။ အနုပညာအလုပ်တွေကို ဆက်လက်လုပ်ကိုင်လျက်ရှိနေခဲ့တဲ့ သူမကတော့ ယခုမှာ မိန်းကလေးငယ်လေးတွေအများဆုံးကြုံတွေ့ခံစားခဲ့ရတဲ့ အဖြစ်အပျက်လေးတစ်ခုကို နောက်နောင်မဖြစ်ရလေအောင် ပညာပေးရိုက်ကူးလျက်ရှိနေတဲ့အကြောင်းပြောပြလာခဲ့ပါတယ်။

သူမကတော့ " လူသားတွေရဲ့ နေ့စဉ်ဘဝတွေဟာ စိန်ခေါ်မှုတွေအပြည့်နဲ့ပါအထူးသဖြင့် Angel တို့လို အမျိုးသမီးငယ်တွေရဲ့ဘဝဟာ ကျားမ မတူညီမှုပေါ်မှာ မူတည်ပြီးတော့ စိန်ခေါ်မှုတွေ ပိုပြင်းထန်တယ်လို့ ခံစားရပါတယ်ဘာလို့လဲဆိုတော့ Angel ကို ရင်ဖွင့်ထားတဲ့ အသိညီမလေးတစ်ယောက်ကြုံတွေ့ခံစားခဲ့ရတဲ့ Sexual Harassment & Sex Hunting အဖြစ်အပျက်တစ်ခုကြောင့်ပါပဲ ဒီဖြစ်ရပ်ကို သိပြီးတဲ့နောက်မှာ Sexual Harassment ပညာပေးဇာတ်လမ်းတစ်ပုဒ်ရိုက်ကူးဖို့ ဆုံးဖြတ်ခဲ့ပါတယ် "ဆိုပြီး လူမှုကွန်ယက်စာမျက်နှာထက်မှာရေးသားထားခဲ့တာပဲဖြစ်ပါတယ်။

သူမကတော့ " ပုံမှန်အားဖြင့် ဒီလို ဇာတ်လမ်းမျိုးကို ရိုက်ကူးဖို့ အများကြီးစဉ်းစားခဲ့ရပေမယ့် ယနေ့ Social Media ခေတ်မှာ သူမလို ဖြစ်ရပ်တွေ ကြုံတွေ့ခံစားနေကြရတဲ့ အမျိုးသမီးငယ်တွေလည်း များစွာရှိနေပါတယ်...ဒါကြောင့် အမျိုးသမီးတိုင်း Sexual Harassment ရဲ့ သားကောင်မဖြစ်ရလေအောင်နဲ့ ဖြစ်ခဲ့ရင်လည်း သတ္တိရှိရှိ ရင်ဆိုင်ကျော်လွှားနိုင်ကြစေဖို့ ဒီဖြစ်ရပ်မှန် ဇာတ်လမ်းကို ရိုက်ကူးပုံဖော်နေပါတယ်ရှင် "ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။

Source : angel lamung 's facebook acc