Shwe FM Radioမှာ ပရိသတ်တောင်းဆိုမှုအများဆုံးအမျိုးသားတေးသံရှင်ဆုကို ဆွတ်ခူးနိုင်ခဲ့လို့ဝမ်းသာပျော်ရွှင်နေခဲ့တဲ့ ဖြိုးမြတ်အောင်

အဆိုတော်ဖြိုးမြတ်အောင်ကတော့ အောင်မြင်လျက်ရှိနေတဲ့ အနုပညာရှင်တွေထဲမှာ တစ်ယောက်အပါအဝင်ဖြစ်ပြီး ပရိသတ်တွေရဲ့ ချစ်ခင်အားပေးမှုကို အခိုင်အမာရယူထားနိုင်ကာ အနုပညာအလုပ်တွေကို လုပ်ကိုင်လျက်ရှိနေပါတယ်။ အသံပါဝါကောင်းကောင်းနဲ့ သီချင်းလေးတွေကိကို သီဆိုလေ့ရှိတဲ့ Shwe FM Radioမှာ ပရိသတ်တောင်းဆိုမှုအများဆုံးအမျိုးသားတေးသံရှင်ဆုကို ဆွတ်ခူးနိုင်ခဲ့လို့ဝမ်းသာပျော်ရွှင်နေခဲ့ပါတယ်။

ဖြိုးမြတ်အောင်ကတော့ " ကျေးဇူးတင်လွှာ မင်္ဂလာညချမ်းပါ၂၀၁၉ - ၂၀၂၀ ) တနှစ်တာအတွင်း Shwe FM Radio ၏ ရွှေလေလှိုင်းမှတဆင့် ပရိသတ်တောင်းဆိုမှုအများဆုံး " အမျိုးသားတေးသံရှင်ဆု " ( ဒုတိယဘုရားသခင် ) ကို ရရှိတဲ့အတွက် ကျွန်တော်အရမ်းဝမ်းသာရပါတယ်။ဒီဆုက ကျွန်တော့်ထက် ကျွန်တော် We love မိသားစုကြီးကရတာဆိုရင် ပိုမှန်ပါတယ်။ကျွန်တော် ဒီလိုဆုရအောင် ဒီလို ကပ်ရောဂါကာလကြီးမှာတောင် မပျက်မကွက်နဲ့ အပင်ပန်းခံ အချိန်ကုန်ခံ အလုပ်ရှုပ်ခံပြီး သီချင်းတောင်းဆိုပေးကြတဲ့ ကျွန်တော်ရဲ့ ပြည်တွင်းပြည်ပ မှချစ်ရသော We love မိသားစုများကို ရင်ထဲကနေ လှိုက်လှိုက်လှဲလှဲ အထူးပဲကျေးဇူးတင်ပါတယ် "ဆိုပြီး ရေးသားထားခဲ့တာပဲဖြစ်ပါတယ်။

ဖြိုးမြတ်အောင်ကတော့ "အလုပ်တွေမအားလို့ သီချင်းတောင်းတဲ့အထဲမပါပေမဲ့လည်း ကျွန်တော်ကို နည်းအမျိုးမျိုး ပုံစံမျိုးစုံနဲ့ အားပေးချစ်ခင်ကြတဲ့ ပရိသတ်များအားလုံးကိုလည်း ကျေးဇူးတင်ပါတယ် ဒီဆုလေးကိုချီးမြှင့်ပေးကြတဲ့ Shwe FM မှ တာဝန်ရှိလူကြီးမင်းများ၊ တင်ဆက်ပေးကြသူများ၊ အင်ဂျင်နီယာများအပါအဝင် Shwe FM Radio မိသားစုဝင်များအားလုံးကိုလည်း အထူးပဲကျေးဇူးတင်ပါတယ်။အားလုံးပဲ လာမည့် ၂၀၂၁ ခုနှစ် နှစ်သစ်ကူးကာလကစလို့ ကပ်ရောဂါများ၊ သဘာဝဘေးများမှကင်းလွတ်ကြပြီး စီးပွားလုပ်ငန်းများ စည်းစိမ်ဥစ္စာရတနာများလည်းတိုးတက်ကောင်းမွန်ကြပါစေကြောင်း နှစ်သစ်ကူးဆုတောင်းလေးလည်း ပို့သလိုက်ပါတယ်ဗျအားလုံးကိုချစ်တယ် "ဆိုပြီး ရေးသားထားခဲ့ပါတယ်။

Source : Phyo Myat Aung ' s Facebook Acc