လူမှုကွန်ယက်မှာ အနုပညာနဲ့ ပတ်သက်တာမတင်ပဲ ဟင်းပုံတွေဘဲ ဘာကြောင့်တင်နေတာလဲလို့မေးလာတဲ့ ပရိသတ်တချို့ကို ပြန်လည်ဖြေရှင်းလာခဲ့တဲ့ ဇေရဲထက်

အနုပညာလောကမှာ အောင်မြင်နေတဲ့ ထိပ်တန်းမင်းသားတွေထဲမှာ တစ်ယောက်အပါအဝင်ဖြစ်ပြီး ပရိသတ်တွေရဲ့ အချစ်တွေကို အပြည့်အဝရရှိထားသူကတော့ ဇေရဲထက်ပဲ ဖြစ်ပါတယ်။ ဇေရဲထက်ကတော့ လက်ရှိမှာ ကြော်ငြာတွေနဲ့ ရုပ်ရှင်ဇာတ်ကားကြီးကို ပိုပြီး ရိုက်ကူးနေရတာ တွေ့ရပါတယ်။ ယခုလို အောင်မြင်လာအောင်လည်း အနုပညာနယ်ပယ်မှာ အခက်အခဲတွေနဲ့ ဝေဖန်မှုတွေကို အကောင်းဆုံးကျော်ဖြတ်ပြီး ကြိုးစားရပ်တည်လာခဲ့ရတာဖြစ်ပါတယ်။

ယခုမှာတော့ ဇေရဲထက်က လူမှုကွန်ယက်စာမျက်နှာ အနုပညာနဲ့ပတ်သက်အရာမတွေ့ရပဲ အခြားအကြောင်းအရာတွေဘဲ တွေ့ရလို့ ပရိသတ်တွေက မေးလာခဲ့တာကို ပြန်လည်ဖြေရှင်းလာခဲ့ပါတယ်။ "ကျွန်တော်ကို တချို့ကပြောတယ်....... အစ်ကို wall ပေါ်မှာ အနုပညာနဲ့ပတ်သက်တာ မတင်ပဲ ဟင်းပုံတွေ တင်လို့ သူတို့ကတော့ ကျွန်တော် ကို စေတနာနဲ့ ပြောတာ သိပါတယ်....ကျေးဇူးလည်းတင်ပါတယ်....(အနုပညာအလုပ်တွေက မလုပ်ရသေးတော့ မတင်ဖြစ်တာပါ)....

ကျွန်တော်ခံယူချက်ကတော့ မေတ္တာဆိုတာ အသွားအပြန် ရှိသလို စေတနာဆိုတာလည်း အသွားအပြန်ရှိရမယ်ဆိုတာ ကျွန်တော်လက်ခံထားလို့ပါ...... ချစ်လို့ စားစေချင်လို လာပေးတဲ့ အရာကို ကျွန်တော်ကလည်း သူတို့စေတနာကို အသိမှတ်ပြုတဲ့အနေနဲ့ ကျွန်တော် အမှတ်တရအနေနဲ့ တင်ပါတယ်.....မေတ္တာရှိလို့ပေး စေတနာရှိလို့ကျွေးတာကို ကျွန်တော်ဘက်ကလည်း သူတို့စေတနာကိုအသိမှတ်ပြုတာဟာ နှစ်ဦးနှစ်ဖက်လုံး စိတ်ချမ်းသာစေတယ်မလားဗျာ.....အားလုံးကိုလေးစားသလို ချစ်လည်းချစ် ကျေးဇူးလည်းတင်ပါတယ်" ဆိုပြီး ရေးသားဖော်ပြထားပါတယ်။

သတင်း အရင်းအမြစ်៖ Source - Zay Ye Htet fb account