တစ်စုံတစ်ရာပြုပြင်ထားခြင်းမဟုတ်ဘဲ သဘာဝအတိုင်းအနီရောင်ဖြစ်နေတဲ့ ဒီအနီရောင်မြစ်ဟာ အမေရိကရဲ့နာမည်ကြီး ခရီးသွားနေရာတစ်ခုဖြစ်ပါတယ်။ The Red River လို့နာမည်ပေးထားတဲ့ဒီမြစ်ဟာ မြစ်ရေအောက်ခြေမှာရှိတဲ့ အနီရောင်ရွှံစေးနှင့်နုန်းမြေတွေကြောင့်အခုလိုမျိုးအနီရောင်အဖြစ်လုံးလုံးပြောင်းလဲသွားတာဖြစ်ပါတယ်။
တက်ဆက်စ်ပြည်နယ်နှင့် အိုလဟိုးမားပြည်နယ်နှစ်နေရာကို ဖြတ်သန်းသွားတဲ့ဒီမြစ်ဟာ သူဖြတ်သန်းရာဒေသတွေအတွက်အတော်လေးအရေးပါတဲ့မြစ်ဖြစ်ပါတယ်။ အကြောင်းကတော့ မြစ်ရေစီးကြောင်းဟာ တောင်တန်းရေမြေအနေအထားကိုပြုပြင်ပေးတဲ့အပြင် နောက်ပိုင်းမှာဆိုရင် ခရီးသွားဧည့်သည်တွေကိုပါဆွဲဆောင်ပေးလာတာကြောင့်ဖြစ်ပါတယ်။ ဒါ့အပြင် အမေရိကရဲ့အထင်ကရစစ်ပွဲတွေကိုလည်း ဒီအနီရောင်မြစ်ကမ်းပါးတစ်လျှောက်မှာတိုက်ခိုက်ခဲ့ကြပါသေးတယ်။
မိုင်ပေါင်း ၁၂၀၀ ကျော်ဖြတ်သန်းစီးဆင်းတဲ့ဒီမြစ်ဟာ ဒေသခံတွေအတွက်စိုက်ပျိုးရေးမှာအဓိကအရေးပါတဲ့မြစ်တစ်စင်းလည်းဖြစ်ပါတယ်။ ဒါ့အပြင် ဒီမြစ်ဟာမြစ်အနားတစ်ဝိုက်မှာကျက်စားတဲ့ငှက်နှင့်တစ်ခြားတိရိစ္ဆာန်တွေအတွက် အရေးပါတာကြောင့် အနားတဝိုက်က Ecosystem ကိုမျှခြေညီအောင်ထိန်းပေးနေတဲ့မြစ်လည်းဖြစ်ပါတယ်။
Bong I.T