သဘာဝပတ်ဝန်းကျင်အတွက်အရေးပါပေမဲ့ လူတွေသိပ်သတိမထားမိကြတဲ့ Lichen ပင်များ

LIchen ပင်တွေဟာ ရေညှိနှင့် မှိုတို့ပေါင်းစပ်ပြီးဖြစ်ပေါ်လာတဲ့သက်ရှိအပင်တစ်မျိုးဖြစ်ပါတယ်။ မတူညီတဲ့အသွင်အပြင်အမျိုးမျိုးရှိတဲ့သူတို့ဟာ အမှန်တော့သဘာဝပတ်ဝန်းကျင်အတွက်အရေးပါတဲ့နေရာမှာရှိပါတယ်။ ဒီအပင်တွေဟာ သဘာဝပတ်ဝန်းကျင်ဒဏ်နှင့်ပြောင်းလဲမှုဒဏ်တွေကိုအတော်လေး ခံနိုင်ရည်ရှိကြပါတယ်။ အစိုစွတ်ဆုံးနေရာတွေမှာသာမက ခြောက်သွေ့လွန်းတဲ့နေရာတွေမှာပါ Lichen ပင်တွေဟာရှင်သန်နိုင်ကြပါတယ်။

ဒီအပင်တွေဟာ သူတို့ပေါက်ရောက်နေတဲ့နေရာဒေသကိုလိုက်ပြီးတော့ အရောင်တွေပုံစံတွေပြောင်းလဲကြတာကြောင့် ပုံစံအတည်တကျမရှိကြပါဘူး။ အရောင်ဟာလည်း အစိမ်းရောင်ကနေ အဝါ မီးခိုးရောင်နှင့် အညိုရောင်အထိအမျိုးမျိုးပြောင်းလဲနိုင်ပါတယ်။ ဒီအပင်တွေကို ရှေးခေတ်တုန်းကနည်းလမ်းအမျိုးမျိုးနှင့်အသုံးပြုခဲ့ကြပါတယ်။ တိုင်းရင်းဆေးတွေမှာသာမက အစားအစာတစ်ခုအဖြစ်ပါအသုံးပြုခဲ့ကြဖူးပါတယ်။ 

ဒီအပင်တွေရဲ့ဒဏ်ခံနိုင်မှုဟာ တစ်ကယ်ကောင်းမွန်လွန်းတာကြောင့် အာကာသလိုနေရာမှာတောင်ရှင်သန်နိုင်ခြေရှိတယ်လို့ယူဆထားကြပါတယ်။ သူတို့ဟာအာကာသမှာအချိန်တစ်ခုအထိခြောက်သွေ့သွားရင်တောင် ကမ္ဘာမြေကိုပြန်ရောက်လာတာနှင့် ပြန်ရှင်သန်လာနိုင်ကြပါတယ်။ သူတို့ဟာသဘာဝတရားရဲ့မျှခြေမှာအရေးပါတဲ့အပင်တွေဖြစ်ပါတယ်။ အင်းဆက်တော်တော်များများရဲ့အစားအစာဖြစ်ပြီးတော့ သဘာဝကိုထိန်းသိမ်းပေးနေတဲ့အပင်တွေဖြစ်ပါတယ်။