ပစိဖိတ် ဟာဝိုင်အီ အလက်စကာနှင့်အာရှတိုက်ရဲ့တစ်ချို့နေရာတွေမှာပဲတွေ့ရတဲ့ ဒီငှက်တွေဟာ ရွှေ့ပြောင်းကမ်းခြေငှက်တစ်မျိုးဖြစ်ပါတယ်။ သူတို့ဟာ နွေဦးသားပေါက်ချိန်မှာဆိုရင် အာတိတ်သမုဒ္ဒရာကိုသွားပြီးတော့ သားပေါက်ပြီးနောက်မှာမိုင်ပေါင်းများစွာကိုဖြတ်သန်းပြီး ပစိဖိတ်သမုဒ္ဒရာကိုပြန်လာခဲ့ကြတာကြောင့် နာမည်ကြီးကြပါတယ်။ ဒီခရီးဟာအတော်လေးဝေးကွာတာကြောင့် Kolea ငှက်တွေကိုရွှေ့ပြောင်းငှက်တွေအနေနှင့်လူသိများတာပါ။
သူတို့ဟာ ဒီခရီးစဥ်ကြောင့်အပြင် အမွှေးအတောင်တွေကြောင့်လည်းနာမည်ကြီးကြပါတယ်။ ငှက်ထီးတွေဟာ သားပေါက်ချိန်မှာဆိုရင် အနက်ရောင်နှင့်ရွှေရောင်အမွှေးအတောင်တွေရှိပြီးတော့ အမတွေဟာအဖြူနှင့်အညိုရောင်ဖြစ်ပါတယ်။ သားပေါက်ချိန်ပြီးသွားတာနှင့် အမွှေးအတောင်အရောင်တွေဟာ မှိုင်းသွားပြီးတော့နေထိုင်တဲ့ပတ်ဝန်းကျင်မှာ ကိုယ်ယောင်ဖျောက်ဖို့အတွက်အဆင်ပြေသွားစေပါတယ်။ သူတို့ဟာ ကျယ်ပြောရှည်လျားလွန်းတဲ့သမုဒ္ဒရာတွေကိုဖြတ်သန်းပြီးအချိန်ကြာကြာပျံသန်းနိုင်စွမ်းရှိကြတဲ့အပြင် ပိုးကောင်နှင့်အင်းဆက်တွေကိုရှာဖွေတဲ့နေရာမှာလည်းအတော်လေးတော်ကြပါတယ်။
မိတ်လိုက်ချိန်မှာ အထီးတွေဟာလေပေါ်မှာနည်းလမ်းမျိုးစုံနှင့်ပျံပြပြီးတော့ အမတွေဆီကခွင့်ပြုချက်ကိုတောင်းခံရပါတယ်။ Kolea ငှက်တွေဟာ မိတ်လိုက်ချိန်တစ်ရာသီမှာတစ်ကောင်နှင့်ပဲမိတ်လိုက်ပြီးကလေးတွေကိုလည်းအတူတူပျိုးထောင်တတ်ကြတဲ့ငှက်အမျိုးအစားဖြစ်ပါတယ်။ အသိုက်တွေကိုပတ်ဝန်းကျင်နှင့်တူညီအောင်သေချာဆောက်ပြီးတော့ ငှက်သားပေါက်လေးတွေကိုမိဘနှစ်ပါးလုံးကစောင့်ရှောက်ကြပါတယ်။
Bong I.T