မင်းသား လီဂျယ်ဝုနှင့် ကရီနာတို့ဟာ ချစ်သူဖြစ်နေကြောင်းကြေညာပြီး ငါးပတ်အကြာမှာတော့ လမ်းခွဲလိုက်ကြပြီဖြစ်ကြောင်း ကြေညာခဲ့ပါတယ်။ မီလန်ဖက်ရှင်ရှိုးမှာ စတင်တွေ့ဆုံကြပြီးတော့ မြင်မြင်ချင်းအချစ်ဖြစ်ခဲ့တဲ့ နှစ်ယောက်သားဟာ တွဲတဲ့သတင်းထွက်လာကတည်းက ဝေဖန်မှုတွေပဲဆက်တိုက်ကြုံနေခဲ့ရတာပါ။
အထူးသဖြင့် အိုင်ဒေါတစ်ယောက်ဖြစ်တဲ့ ကရီနာဟာ ချစ်သူထားလိုက်တာကြောင့် ပရိတ်သတ်တွေရဲ့ဆန္ဒပြတာတွေအထိပါ ခံယူခဲ့ရပါတယ်။ ကုမ္မဏီရှေ့မှာ ကားတွေနှင့်ဆန္ဒပြတာတွေအပြင် အဖွဲ့ရဲ့ လှုပ်ရှားမှုတွေမှာပါ မပါဝင်ဖို့တောင်းဆိုခံခဲ့ရပါတယ်။ သူကိုယ်တိုင်လည်း အင်စတာဂရမ်မှာ လက်ရေးစာနှင့်တောင်းပန်စာတင်ခဲ့ရတဲ့အထိ ပြဿနာတွေကြီးသွားခဲ့ပါတယ်။
မင်းသားလီဂျယ်ဝုဟာလည်း ဒိတ်တင်းသတင်းကြောင့် လက်ရှိပြသနေတဲ့ဒရာမာကို သက်ရောက်မှုတွေရှိခဲ့ပါတယ်။ လမ်းခွဲရတဲ့အကြောင်းရင်းကိုတော့ ဆိုးဝါးတဲ့မှတ်ချက်စကားတွေနှင့် ပရိတ်သတ်တွေအပေါ်ထားတဲ့ အားနာမှုတွေကြောင့်လို့ဖြေကြားထားပါတယ်။
Bong I.T