ဆူပွတ်နေသောရေကန်သည် Dominica ကျွန်းပေါ်တွင်ရှိသော Morne Trois Pitons အမျိုးသားဥယျာဉ်ရှိ ကမ္ဘာ့အမွေအနှစ်စာရင်းဝင် နေရာတစ်ခုပဲ ဖြစ်ပါတယ်။ ပေ 200 မှ 250 ခန့် ( ၆၀ - ၇၅ မီတာ ) ကျယ်ဝန်းပြိး Frying Pan Lake ပြီးရင် ကမ္ဘာပေါ်တွင် ဒုတိယအကြီးဆုံး ရေကန်ကြီးပဲ ဖြစ်ပါတယ်။ ရေကန်ကို Dominica တွင် အလုပ်လုပ်နေတဲ့ အင်္ဂလိပ်လူမျိုးနှစ်ဦးက ၁၈၇၀ ခုနှစ်တွင် စတင် တွေ့ရှိခဲ့ပါတယ်။
ရေကန်သည် ကြီးမားသောမီးတောင်ပေါက်တွင်းကြီးထဲတွင် တည်ရှိတယ်လို့ ယူဆရပြီး ၂၀၀၄ နှင့် ၂၀၀၅ မီးတောင်ပေါက်ကွဲမှုများ ဖြစ်ပြီးနောက် ကန်အနက် ၃၃ ပေ ( ၁၀ မီတာ ) ထိ နိမ့်ကျသွားခဲ့ပါတယ်။ နောက်ပိုင်းမှာ ကန်ရေတဖြည်းဖြည်း ပြန်မြင့်တက်လာပြီး အငွေ့များလည်း အဆက်မပြတ်ထွက်လာကာ Boiling lake ဆိုပြီး ဖြစ်လာပါတယ်။
ကန်ကြီးသို့ တိုက်ရိုက်သွားလို့ရမဲ့ လမ်းမရှိသေးတာကြောင့် ရေကန်နဲ့ အနီးဆုံးလမ်းကြား ၈ မိုင် ( ၁၃ ကီလိုမီတာ ) ရှိသော တောင်တက်ခရီးဖြင့် ရောက်နိုင်ပါတယ်။ မီးတောင်ငွေ့များ ရုတ်တရက် အဆက်မပြတ် ထွက်လာခြင်းကြောင့် ၁၉၀၀ ပြည့်နှစ်ပိုင်းတွင် တောင်တက်လူငယ်အဖွဲ့ဝင်နှစ်ဦးတို့ အသက်ရှုကြပ်သေဆုံးခဲ့ရဖူးပါတယ်။ ဒါကြောင့် ထူးခြားတဲ့အငွေ့များပြည့်နေတဲ့ ဒီရေကန်ဟာ လှပပေမဲ့ အန္တာရာယ်များသော ကမ္ဘာ့အမွေအနှစ်စာရင်းဝင်နေရာလေးပဲ ဖြစ်ပါတယ်။