ကမ္ဘာ့သက်တမ်းတစ်လျှောက်မှာ အကောင်မျိုးစိတ်တွေအများကြီးဟာပျောက်ကွယ်မျိုးသုဥ်းသွားခဲ့ပါတယ်။ ဒိုင်နိုဆောလိုမျိုးအကောင်ကြီးတွေဟာ စောစောစီးစီးပဲပျောက်ကွယ်သွားပြီးတော့ အင်းဆက်လိုမျိုးအကောင်တွေကပဲအခုချိန်အထိရှင်သန်ကျန်ရစ်နေနိုင်ကြတာပါ။ ကမ္ဘာ့သက်တမ်းနှင့်အပြိုင် အကြာဆုံးရှင်သန်ခဲ့တဲ့ အင်းဆက်မျိုးစိတ်သုံးမျိုးအကြောင်းကိုဖော်ပြပေးသွားပါမယ်။
(၁) Mites
ဒီပိုးကောင်လေးဟာ တည်ရှိလာတာ သက်တမ်းပေါင်း ၅၇၀ မီလီယံတောင်ရှိနေပြီဖြစ်ပါတယ်။ ဒီပိုးကောင်လေးတွေဟာ အမှန်တော့အင်းဆက်မဟုတ်ဘဲ ကပ်ပါးကောင်အမျိုးအစားဖြစ်ပါတယ်။ အပင်တွေပေါ်မှာနေထိုင်ကြပြီးတော့ အပင်တွေကိုဖျက်စီးတတ်ကြပါတယ်။ သေးလွန်းတာကြောင့် သာမာန်မျက်စိနှင့်တွေ့ဖို့ခက်ခဲပါတယ်။
(၂) Spiders
လူသိများတဲ့အင်းဆက်တစ်မျိုးဖြစ်တဲ့ ပင့်ကူတွေဟာလည်း နှစ်ပေါင်း ၅၀၀ မီလီယမ်ရှင်သန်ခဲ့ကြတဲ့အကောင်လေးတွေဖြစ်ပါတယ်။ အရင်ကတည်းတည်ရှိနေတဲ့ မျိုးစိတ်ဖြစ်တာကြောင့် မျိုးစိတ်ကွဲတွေလည်းအများကြီးရှိနေပါတယ်။
(၃) Dragonflies
ပုစဥ်းတွေဟာလည်းပဲ ကမ္ဘာပေါ်မှာတည်ရှိလာတာ နှစ်ပေါင်း ၄၀၀ မီလီယံလောက်ရှိနေပြီဖြစ်တဲ့မျိုးစိတ်ဖြစ်ပါတယ်။ ပုစဥ်းတွေဟာ တစ်နာရီကိုမိုင်သုံးဆယ်နီးပါးအထိပျံသန်းနိုင်ကြပြီးတော့ အတော်လေးလျင်မြန်တဲ့အင်းဆက်မျိုးစိတ်တစ်မျိုးဖြစ်ပါတယ်။