မင်းသမီးကြီး Honey Lee ပါဝင်သရုပ်ဆောင်ထားတဲ့ Knight Flower ဒရာမာဟာနောက်ဆုံးအပိုင်းမှာ ကြည့်ရှုသူ 18.4 ရာခိုင်နှုန်းအထိရှိပြီး သောကြာ စနေထုတ်လွှင့်တဲ့ဒရာမာတွေရဲ့ ကြည့်ရှုသူစံချိန်ကိုချိုးဖျက်နိုင်ခဲ့ပါတယ်။ ဒီစံချိန်ဟာ MBC ရဲ့ဒရာမာသမိုင်းမှာပထမဦးဆုံးဖြစ်ပြီး အရင်တုန်းက The Red Sleeve ဒရာမာကနေပြီး 17.4 ရာခိုင်နှုန်းနှင့်စံချိန်တင်ထားခဲ့တာပါ။
Knight Flower ဒရာမာဟာ ဂျိုဆွန်းခေတ်ကမုဆိုးမတစ်ယောက်ဖြစ်တဲ့ မိန်းကလေးတစ်ယောက်က ရွာထဲကပြည်သူတွေကိုအနိုင်ကျင့်ခြစားကြတဲ့ အရာရှိနှင့်မင်းမှုထမ်းတွေဆီကနေပြီး ကာကွယ်ပေးတဲ့ဇာတ်လမ်းပါ။ ဇာတ်လမ်းဟာ သွက်ပြီးဟာသတွေလည်းအတော်အတန်ပါဝင်တာကြောင့် ဒရာမာကြည့်နေကျမဟုတ်တဲ့သူတွေတောင် ကြည့်ဖြစ်ကြတယ်လို့ ဆိုနိုင်ပါတယ်။
ပြည်ပမှာတော့ အောင်မြင်ကျော်ကြားခြင်းမရှိပေမဲ့ Knight Flower ဟာ တောင်ကိုးရီးယားပြည်တွင်းမှာ အတော်လေး Hit ဖြစ်ခဲ့တဲ့ဒရာမာဖြစ်ပါတယ်။ ဒါ့အပြင် ဒီဒရာမာဟာ အရင် ဒရာမာတွေဖြစ်တဲ့ The Red Sleeve နှင့် My Dearest ကိုကျော်လွန်ပြီးတော့ အခုလိုမြင့်မားတဲ့ကြည့်ရှုနှုန်းကိုရခဲ့တာဖြစ်ပါတယ်။
Bong I.T