တောင်ကိုးရီးယားနိုင်ငံရဲ့ လက်ရွေးစင်ဘောလုံးအသင်းဟာ မကြာသေးခင်က ဂျော်ဒန်နိုင်ငံကို နှင့်ရှုံးနိမ့်ခဲ့ပါတယ်။ ဒီပွဲစဥ်အတွင်းမှာ အသင်းရဲ့ခေါင်းဆောင်ဖြစ်တဲ့ ဆွန်ဟောင်မင်ဟာ လက်ချောင်းတွေဒဏ်ရာရထားပုံပေါ်တာကြောင့် ပရိတ်သတ်တွေကစိုးရိမ်နေခဲ့ကြတာပါ။
ဆွန်ဟာ ထိပ်တန်းပရီးမီးယားလိဂ်အသင်းဖြစ်တဲ့ စပါးမှာကပ္ပတိန်အနေနှင့်ကစားနေတဲ့သူဖြစ်သလို တောင်ကိုးရီးယားတစ်နိုင်ငံလုံးရဲ့ချစ်ခင်မှုကိုရနေတဲ့သူပါ။ အသင်းညစာစားပွဲတစ်ခုမှာ တောင်ကိုးရီးယားရဲ့နောက်ထပ်နာမည်ကြီးကစားသမားဖြစ်တဲ့ လီဂါအင်ဟာသူ့အဖော်တွေနှင့်အတူ ဆွန်ဟောင်မင်ကို ဆန့်ကျင်ခဲ့တယ်လို့သတင်းတွေထွက်လာခဲ့ပါတယ်။
အသင်းညစာစားပွဲမှာ လီဂါအင်ဟာ အဖော်ဖြစ်သူတွေနှင့်အတူ ထွက်သွားချင်တာကြောင့် ခေါင်းဆောင်ဖြစ်တဲ့ဆွန်က တားရာကနေရန်ပွဲဖြစ်သွားပြီး ဆွန်ရဲ့လက်ဒဏ်ရာရခဲ့တာဖြစ်တယ်လို့ သတင်းမှာဖော်ပြထားပါတယ်။ နောက်ပိုင်းမှာ လီဂါအင်က သူ့ရဲ့ဆိုရှယ်မီဒီယာကနေ ပြည်သူတွေကိုတောင်းပန်တဲ့ပို့စ်တင်ထားခဲ့ပေမဲ့ လက်ရှိအချိန်ထိ တောင်ကိုးရီးယားအသင်းနှင့် ခေါင်းဆောင်ဖြစ်သူ ဆွန်ဟောင်မင်တို့ဖက်ကနေတော့ ဘာမှတုံ့ပြန်ထားခြင်းမရှိသေးပါဘူး။
Bong I.T