သားဦးကိုယ်ဝန်ဆောင်နေရပြီဖြစ်တဲ့ မင်းသား Lee Seung Gi နှင့် မင်းသမီး Lee Da In

လွန်ခဲ့တဲ့ ဧပြီလတုန်းကမင်္ဂလာဆောင်ခဲ့ကြတဲ့ မင်းသား Lee Seung Gi နှင့် မင်းသမီး Lee Da In တို့ဟာ ပထမဦးဆုံးကလေးလေးကိုကိုယ်ဝန်လွယ်ထားရပြီဖြစ်ကြောင်း သတင်းထွက်ပေါ်လာပါတယ်။ မင်းသမီး ရဲ့အေဂျင်စီကလည်း သတင်းမှန်ကန်ကြောင်းအတည်ပြုပေးခဲ့ပြီး ကိုယ်ဝန်သက်တမ်းကိုတော့ထုတ်ဖော်ပြောကြားခြင်းမရှိပါဘူး။

ခန့်မှန်းချက်တွေအရ ၂၀၂၄ နှစ်လယ်ပိုင်းလောက်မှာမွေးဖွားနိုင်တယ်လို့သိရပါတယ်။ Lee Seung Gi နှင့် Lee Da In တို့ဟာ နှစ်အတော်ကြာတွဲပြီးနောက်မင်္ဂလာဆောင်ခဲ့ကြတဲ့သူတွေပါ။ မင်္ဂလာပွဲမတိုင်ခင်က Lee Da In  တို့မိသားစုရဲ့ငွေကြေးအရှုပ်အထွေးတွေကြောင့် ပရိတ်သတ်တွေကစိတ်ပူခဲ့ပေမဲ့ အဆင်ပြေပြေနှင့်ပြီးသွားခဲ့တာပါ။

လက်ရှိအချိန်မှာ မင်းသမီး Lee Da In ဟာ My Dearest ဇာတ်ကားမှာပါဝင်ရိုက်ကူးနေတာဖြစ်ပြီး သူပါဝင်တဲ့အခန်းတွေဟာရိုက်ကူးပြီးသလောက်ဖြစ်နေပြီဖြစ်ကြောင်းသိရပါတယ်။ မင်းသား Lee Seung Gi ကတော့ လတ်တလောမှာဖျော်ဖြေပွဲဖျက်သိမ်းပြီး ကျန်းမာရေးကြောင့်အနားယူနေရတာဖြစ်ပါတယ်။

Congratulation Lee Seung Gi and Lee Da In