RM ဟာ တစ်ခြားသူတွေထက် အလှူအဒါန်းလုပ်တဲ့နေရာမှာ သေချာရှာဖွေပြီးလှူတတ်လို့နာမည်ကြီးပါတယ်။ RM ဟာ တောင်ကိုးရီးယားနိုင်ငံရဲ့အမွေအနှစ်တွေကို ထိန်းသိမ်းဖို့မကြာသေးခင်ကပဲ ဆိုးလ်အမျိုးသားပြတိုက်ကို ဝမ်တရာမီလီယံလှူဒါန်းခဲ့ပါသေးတယ်။ ဒါ့အပြင် မသန်စွမ်းကလေးတွေအတွက် ဂီတနှင့်ဆိုင်တဲ့သင်ကြားမှုတွေလုပ်တဲ့ အစီအစဥ်မှာလည်းလှူဒါန်းခဲ့တာပါ။
အခုတစ်ခေါက်မှာလည်း RM ဟာ တောင်ကိုးရီးယားနိုင်ငံရဲ့လူနည်းစုပဲလုပ်ကိုင်နေတဲ့ မှုခင်းဆေးသိပ္ပံပညာရှင်တွေကိုပျိုးထောင်တဲ့နေရာမှာ အသုံးပြုဖို့ ဝမ်တစ်ရာမီလီယံထပ်မံလှူခဲ့တာပါ။ ဒီနယ်ပယ်ဟာ ကျွမ်းကျင်သူနည်းပါးလွန်းပြီး တစ်နိုင်ငံလုံးမှာ မှုခင်းသိပ္ပံကျွမ်းကျင်ပညာရှင် အယောက် ၆၀ လောက်ပဲရှိနေတာပါ။ ကျွမ်းကျင်တဲ့မှုခင်းဆေးသိပ္ပံပညာရှင်ဖြစ်လာဖို့ဆိုရင် ဆယ်နှစ်ကျော်အချိန်ပေးရမှာကြောင့် ဆရာဝန်အများစုဟာ ဒီနယ်ပယ်ကိုမရွေးချယ်ကြပါဘူး။ ၂၀၂၃ ခုနှစ်မှာဆို မှုခင်းဆေးသိပ္ပံအတွက်လျှောက်ထားတဲ့ ကျောင်းသားတစ်ယောက်တောင်မှမရှိခဲ့ပါဘူး။
RM ဟာ Talk Show တစ်ခုမှာ ဒီအကြောင်းအရာကိုဆွေးနွေးပြီးနောက် မှုခင်းဆေးသိပ္ပံပညာရှင်တွေရဲ့ အခက်အခဲနှင့် အရေးပါပုံတွေကို သတိပြုမိတာကြောင့် ဒီလိုလှူဒါန်းမှုလုပ်ခဲ့တာပါ။ လုပ်သမျှ လှူဒါန်းမှုတိုင်းကတစ်ကယ်ကိုအဓိပ္ပါယ်ပြည့်ဝလွန်းနေတဲ့ BTS ရဲ့ခေါင်းဆောင် RM ကတော့တစ်ကယ့်လေးစားစရာကောင်းလွန်းပါတယ်။
Source - Koreaboo
#Myanmaload #BTS #RM #မှုခင်းဆေးသိပ္ပံ
Bong I.T