BTS အဖွဲ့ရဲ့ စာချုပ်သက်တမ်းတိုးတာကို ကန့်ကွက်ကြောင်း ဆန္ဒပြခဲ့ကြတဲ့ Army များ

BTS အဖွဲ့ဟာ ကုမ္မဏီဖြစ်တဲ့ Big Hit နှင့် စာချုပ်သက်တမ်းထပ်တိုးလိုက်ကြောင်း မကြာသေးခင်ကကြေညာခဲ့ပါတယ်။ BTS အဖွဲ့ဝင် (၇) ယောက်လုံးဟာ စာချုပ်အသစ်ဆက်ချုပ်ဖြစ်ကြပြီးတော့ စစ်မှုထမ်းကာလပြီးတဲ့နောက်ပိုင်းမှာလည်း Big Hit နှင့်ပဲအလုပ်တွေဆက်လုပ်သွားကြမှာပါ။

ဒါပေမဲ့ ပရိတ်သတ်တစ်ချို့ကတော့ ကုမ္မဏီအနေနှင့် အဖွဲ့ဝင်တွေကိုအတင်းအကြပ်စာချုပ်သက်တမ်းတိုးစေတာဖြစ်တယ်လို့ ယူဆကြပြီးတော့ ကန့်ကွက်ကြောင်း ဆန္ဒပြတဲ့ ကားတွေကိုကုမ္မဏီရှေ့ကိုပို့ထားတာပါ။ Big Hit ဟာ BTS အဖွဲ့ကြောင့် တောင်ကိုးရီးယားရဲ့နာမည်ကြီးကုမ္မဏီတစ်ခုဖြစ်လာခဲ့ပေမဲ့ အဖွဲ့ဝင်တွေကိုသေချာဂရုမစိုက်ပေးနိုင်တာကြောင့် ပရိတ်သတ်တွေမုန်းတီးတာကိုမကြာခဏခံရပါတယ်။

ဒါ့အပြင် အဖွဲ့ဝင်တွေကြားမှာလည်း မျှမျှတတဆက်ဆံမှုမရှိတာကြောင့် မကြာခဏဆိုသလို ပရိတ်သတ်တွေစာပို့ပြီးတိုင်တန်းခဲ့ရပါတယ်။ Big Hit အနေနှင့် BTS အဖွဲ့ကိုအခုထက်ပိုကောင်းအောင်မျှမျှတတ ဆက်ဆံပေးသင့်ကြောင်းနှင့် အဖွဲ့ဝင်တွေကြား ဘက်လိုက်မှုမရှိစေဖို့လိုအပ်ကြောင်း အစရှိတဲ့စာသားတွေနှင့် ကုမ္မဏီကိုဆန္ဒပြခဲ့ကြတာဖြစ်ပါတယ်။

Source – Kbizoom

#Myanmarload #BTS #BigHit #Hype #Army