Marvel လောကရဲ့ခေါင်းဆောင်ဖြစ်တဲ့ Captain America နေရာမှာသရုပ်ဆောင်ခဲ့တဲ့ မင်းသား Evan ဟာဆိုရင် မင်္ဂလာပွဲကျင်းပပြီးသွားပြီဖြစ်ပါတယ်။ မင်းသား Evan ဟာသူ့ထက် ၁၆ နှစ်ငယ်တဲ့မင်းသမီးချောလေး Alba Baptista နှင့် လက်ထပ်သွားခဲ့တာဖြစ်ပါတယ်။ သူတို့နှစ်ယောက်ဟာ မနှစ်တုန်းကတွဲနေကြောင်းသတင်းတွေကိုအတည်ပြုပြီး ချစ်သူသက်တမ်း တစ်နှစ်ကျော်မှာမင်္ဂလာဆောင်သွားခဲ့ကြတာဖြစ်ပါတယ်။
မင်္ဂလာပွဲကို ရင်းနှီးတဲ့သူတွေကိုပဲဖိတ်ကြားပြီး မီဒီယာတွေလုံးဝမဝင်ရောက်နိုင်အောင် လုံခြုံရေးအပြည့်အစုံနှင့်ကျင်းပခဲ့တာဖြစ်ပါတယ်။ ဒီမင်္ဂလာပွဲကို Marvel ထဲကလုပ်ဖော်ကိုင်ဖက်တွေဖြစ်တဲ့ Iron Man ရောဘတ် Thor မင်းသား နှင့် Hulk တို့ပါတက်ရောက်ခဲ့တယ်လို့သိရပါတယ်။
Evan ဟာ Baptista နှင့် ချစ်သူဖြစ်ပြီးနောက်ပိုင်းမှာ အရင်ကထက်ပိုပြီးပျော်ရွှင်တတ်လာပြီး ကောင်းမွန်တဲ့လူဖြစ်တာကြောင့် Evan ရဲ့မိသားစုတွေကပါ Baptista ကိုချစ်ကြကြောင်း အတွင်းသတင်းတွေကဖော်ပြကြပါတယ်။ Evan ကလည်းသူ့အိမ်မက်ဟာ ကလေးတွေနှင့်ပျော်ပျော်ရွှင်ရွှင်တည်ဆောက်ထားတဲ့မိသားစုတစ်ခုလို့ အင်တာဗျူးတွေမှာဖြေကြားဖူးတာကြောင့် ဒီမင်္ဂလာသတင်းဟာ ပရိတ်သတ်တွေအတွက်သတင်းကောင်းတစ်ခုပဲဖြစ်ပါတယ်။
Source – ComicBook
#Myanmarload #CaptainAmerica #ChrisEvan #Baptista #Wedding #Marvel
Bong I.T