BTS V ဟာ Wooga Squad လို့ခေါ်တဲ့ထိပ်တန်းနာမည်ကြီးမင်းသားနှင့်အဆိုတော်တွေပါဝင်တဲ့ သူငယ်ချင်းအဖွဲ့ထဲမှာအငယ်ဆုံးလေးဖြစ်ပါတယ်။ အဖွဲ့ထဲကအစ်ကိုကြီးတွေဟာ Vကိုဂရုတစိုက်အမြဲရှိကြသလို အများကြီးချစ်ပေးကြတာဖြစ်ပါတယ်။

မကြာသေးခင်ကပဲ Wooga အဖွဲ့ဝင် မင်းသား Park Seo Joon  ရဲ့ရုပ်ရှင်အသစ်ရုံတင်ဖွင့်ပွဲကိုကျင်းပခဲ့ပါတယ်။ တစ်ကိုယ်တော်အယ်လ်ဘမ်ထုတ်ဖို့အလုပ်ရှုပ်နေတဲ့ V ဟာအစ်ကိုဖြစ်သူရဲ့ရုပ်ရှင်ကို နောက်ထပ် Wooga အဖွဲ့ဝင်ဖြစ်တဲ့ မင်းသား Park Hyun Sik နှင့်အတူလာကြည့်ခဲ့တာဖြစ်ပါတယ်။ ဖွင့်ပွဲအတွက်ဓာတ်ပုံရိုက်ပြီးသွားတဲ့နောက် နှစ်ယောက်သားဟာအတူတူရုပ်ရှင်ရုံထဲဝင်တဲ့နေရာမှာလည်း Hyun Sik ဟာ V ကိုဦးစားပေးဂရုစိုက်နေတာဖြစ်ပါတယ်။

ပြီးတော့ ရုံအတွင်းထိုင်ရမယ့်ခုံရှာတဲ့နေရာမှာလည်း Park Hyun Sik ဟာ V အတွက်အရင်ရှာပေးပြီး အဆင်ပြေမှသူပါထိုင်လိုက်တာဖြစ်ပါတယ်။ အစ်ကိုတွေရဲ့ ကလေးလေးကိုဂရုစိုက်သလိုမျိုးအချစ်ခံနေရတဲ့ V ကတော့တစ်ကယ်ကိုကံကောင်းတဲ့သူလေးပါပဲနော်။